ანდრია დადიანი

ანდრია დადიანი

ანდრია დადიანი (1850 — 1910) — რუსულო ანდრია დადიან მენგრელსკით ჩინებული, რდჷ დიდებული დო ჭარდაკიშ მოლაჸაეფე საქორთუოშე (თი ბორჯის რუსეთიშ იმპერიაშ ნორთი).

სამარგალოშ თარეფიშ ფანიაშ სქუა, დებადჷ ზუგდიდც, სამარგალოშ ნანანოღას. ანდრია დადიანქ გათუ ჰაიდელბერგიშ უნივერსიტეტიშ იურიდული ფაკულტეტი 1873 წანას. უმოს გვიანო, ანდრია მოინალენდჷ ლეიტენანტ-გენერალო რუსეთიშ არმიას.

ანდრია დადიანქ გემორძგუ სანქტ-პეტერბრუგიშ ჭარდაკიშ ტროგაფას 1881-182 წანეფს. თეიშახ ანდრია გომორძგვილო ოკათუდუ პარიზიშ, რომიშ, კიევიშ დო ქართიშ ტროგებეფს. ანდრია დადიანი 1903-194 წანეფს რდჷ მონტე კარლოშ ნაციეფშქა ტროგაფაშ დუდმახვენჯი. დოსტი ხელუანაფაშ ნიმუშ ოკო მეჩესკო მაართა დო მაჟრა აბანეფშა გიშულირეფს (ტარაშ დო მაროკზი) შქას მოგებულს. მალაჸაფეეფს ფარაშა ოკოდეს ლაჸაფი. ანდრიას ვემეწონ თე ამბექ დო ხელუანაფაშ მინუში გეგნოჩუ მასმა აბანშა გიშულირ კოც (პილსბურს). თე ტროგებეფს მონაწილენდჷ მაჸუნაფალი რუსი ჭარდაკისტი მიხეილ ჩიგორინი, ნამუდგა მონწყეს ტროგებეფშე. კომპენსაციაშ სახეთ ჩიგორინს გინოჩეს 1500$.