აჭარაშ ავტონომიური რესპუბლიკა

აჭარაშ ავტონომიური რესპუბლიკა
ქიანა	საქორთუო
რეგიონიშ კოდი:	GE-AJ
ფართობი:	2.900 კმ²
მახორობა:	382 ანთასი (2009)
ადმ. ართურეფი:	1 ნოღა, 5 მუნიციპალიტეტი
ნანანოღა:	ბათუმი
უმაღალაში სხუნუშ დუდმახვენჯი:	მიხეილ მახარაძე
მინისტრეფიშ სხუნუშ დუდმახვენჯი:	ლევან ვარშალომიძე
ფოტოგალერეა

აჭარაშ ავტონომიური რესპუბლიკა — ავტონომიური რესპუბლიკა საქორთუოშ აკოდგინალუას. რეგიონიშ ონაციეფოშქარე კოდი რე GE-AJ. იკათუანს ისტორიულ–გეოგრაფიული პროვინციეფიშ აჭარაშ დო ლაზეთიშ (ნაწილობრივ) ტერიტორიას. რესპუბლიკას აპალუ დორხველი შილა დო გერბი. აჭარაშ ავტონომიურ რესპუბლიკაშა მიშურს გეჸვენჯი ადმინისტრაციულ–ტერიტორიული ართურეფი:

1. ბათუმი;
2. ქედაშ მუნიციპალიტეტი;
3. ქობულეთიშ მუნიციპალიტეტი;
4. ხელვაჩაურიშ მუნიციპალიტეტი;
5. შუახევიშ მუნიციპალიტეტი;
6. ხულოშ მუნიციპალიტეტი.

ზოგადი ჩინებეფი

აჭარა მილარე საქორთუოშ ობჟათე-ბჟადალ ნორთის, უჩა ზუღაშ ოძგაშე ზოლს, ობჟათეშე ომძღჷ თურქეთიშ რესპუბლიკა. ფართობი აკმადგინანს 2900 კვ.კმ–ს, მახორობა – მეხოლაფირო 376 ანთასის, მახორობაშ მეჭედალა — 130 კოჩის. ავტონომიაშ ადმინისტრაციული ცენტრი რე ნოღა ბათუმი. ავტონომიაშ ტერიტორიას 342 დოხორელილი პუნქტი რე, თენეფ შქას:

• ნოღა — 2: ბათუმი, ქობულეთი;
• დაბა — 7: მახინჯაური, ჩაქვი, ოჩხამური, ქედა, ხელვაჩაური, შუახევი, ხულო.
• ოფუტე — 333.

მართუალა

ავტონომიური რესპუბლიკაშ კონსტიტუციათ კანონიშდუმადვალუ ორგანო რე აჭარაშ ავტონომიური რესპუბლიკაშ უმაღალაში სხუნუ (30 მაკათური), ნამუთ ეშმესხუნუ 5 წანაშ ვადათ. აღმასრულებელი ორგანო რე მინისტრეფიშ სხუნუ.

• აჭარაშ ავტონომიაშ მადუდე
  • 2001-2004 — ასლან აბაშიძე
  • 2004-შე — ლევან ვარშალომიძე

• უმაღალაში სხუნუშ დუდმახვენჯეფი:
  • 1991-2001 — ასლან აბაშიძე;
  •  ???? — გიორგი ცინცქილაძე
  • 2004-შე — მიხეილ მახარაძე.

• მინისტრეფიშ სხუნუშ დუდმახვენჯეფი:
  • ვახტანგ აბაშიძე
  • რევაზ შამილიშვილი
  • როსტომ ჯაფარიძე
  • 2004-შე: ლევან ვარშალომიძე.

აჭარაშ ავტონომიაშ ადმინისტრაციული ართულეფი რე: ნოღაშ მერია — 1, მუნიციპალიტეტიშ გამგეობა — 5, სადაბო ოკათუ (საკრებულო) — 3, ოფუტეშ ოკათუ — 56.

ეკონომიკა

აჭარა აგრარული რეგიონი რე, სოდეთ მეთხოზჷნა სუბტროპიკული კულტურეფიშ (ჩაი, ციტრუსეფი) მოჸუნაფას. შანულამი დარგეფი რე ხოლო: ნავთობიშ რეწუა, მანქანაშკიდანჯალა დო ტურიზმი. ნავთობი მოურს ბათუმშე, ნამუთ წჷმარინუანს გაზსადენიშ ეკონია პუნქტის. ბათუმიშ, მუჭოთ ოპორტე ნოღაშ შანულობაქ მირდჷ თურქეთ-საქორთუოშ თანჯაშ გონწყჷმაშ უკული სარფიწკჷმა.

კულტურული მონძეობეფი

ავტონომიური რესპუბლიკაშ ტერიტორიას იდვალუაფუ ორთაშ, არქიტექტურაშ დო კულტურაშ მიარე ქილინჯი:

• გონიოშ ჯიხა
• სხალთაშ ოხვამე
• ბათუმიშ ბოტანიკური ბაღი

ისტორია

1877–78 წანეფიშ რუსეთ–ოსმალეთიშ ლჷმაშ უკული აჭარაშ ტერიტორიაქ რუსეთიშ იმპერიაშ ფარგალეფშა მიშელჷ ბათუმიშ ოლქიშ ჯოხოთ. 1918-20 წანეფს ოკუპირაფილი რდჷ დიო თურქეფშე, უკული ინგლისარეფშე. საქორთუოს სხუნუეფიშ რეჟიმიშ მოულაშ უკული, 1921 წანას დირსხუ აჭარაშ ავტონომიურ რესუბლიკაქ საქორთუოშ აკოდგინალუას. 1990 წანაშ ლიაშე ჯოხო აჭარაშ ავტონომიური რესპუბლიკა.

რესურსეფი ინტერნეტის

• აჭარაშ ავტონომიური რესპუბლიკაშ თარობა
• ნოღა ბათუმიშ მერია
• ტურიზმიშ დო კურორტეფიშ დეპარტამენტი
• აჭარაშ ტელევიზია