ბენიტო მუსოლინი

ბენიტო ამილკარე ანდრეა მუსოლინი (იტალ.: Benito Amilcare Andrea Mussolini) (დ. 29 კვირკვე, 1883, პრედაპიო (ფორლი), იტალია – ღ. 28 პირელი, 1945, ჯულინო დი მეცეგრა (კომო), იტალია) — იტალიაშ ფაშისტი დიქტატორი 1922-1943 წანეფს.

ბენიტო მუსოლინიქ დებადჷ ცენტრალურ იტალიას რომანიაშ ჭიჭე ოფუტეს, ნოღა ფორლიშ გოხოლუას 1883 წანაშ 29 კვირკვეს. მუმა, ალესანდრო ჭკადუ რდჷ, ნანა, როზა - ოფუტეშ მაგურაფალი რდჷ. მუში მუმა სოციალისტურ პარტიაშ აქტიური მაკათური რდჷ დო მუშ უნჩაშ სქუას ქიგიოდუ ბენიტო ამილკარე ანდრეა - მექსიკარი რევოლუციონერ ბენიტო ხუარესიშ, ჩინებული ანარქისტიშ ამილკარე ჩიპრიანოშ დო იტალიურ სოციალისტურ პარტიაშ დჷმარცხუაფალიშ ანდრეა კოსტაშ პატიშოცემელო. ბენიტო გაჭირებულ ფანიას ირდუდუ დო დუდშე მუშ მუმას ოხვარუდ ჭკადუას. ბენიტო გჷშარჩქინელი რდჷ აგრესიული ტემპერამენტით, მარა მუშ მოჯგჷრეეფ დო ხოლოშიანეფიშ ჸურე სიტჷბა ახასიათენდჷ. 18 წანერ რდჷნ თეში, ბენიტოქ პედაგოგიშ დიპლომი გეჭოფუ. პედაგოგობა გურს ვეგიოხანტჷდჷ სოციალისტურ დო ანარქისტულ იდეეფით დოჭაჭილ ახალმარდუს, ნამუსჷთ ოპეკჷდჷ ხულიგანური ფათერაკეფი.

1902 წანას შვეიცარიას ქაფორუ დუდი, ჯარშე დუდიშ ეიოჩილითაფარო. თაქ თინა მუშენდ მუშათ. თაქ მუქ გამორსჷ შქჷრენა, უჸუდეობა, უალობეობა, მარა კვათიერ ვეწებოშიქ მალას დოგორჷ მუში ოსქვამური საქვარი. მუშეფშქას გჷშარჩქინელი რდჷ კვათიერობათ დო მეუზალეს პროფრსხუშ ომელამოსეს მუშობა. თე ბორჯის დიჭყჷ სტატიეფიშ ჭარუა, ნამუეფსჷთ ქადაგენდჷ ანარქიული სოციალიზმიშ მუშობურა გაგებას დო გუმოხანტჷნდჷ მუშ ანტიკლერიკალიზმის დო შელებუანი კლასეფიშ ნტერობას. კითხულენდჷ ბრელს. კითხულენდ მარქსის, კაუცკის, შოპეიჰაუერს, ნიცშეს, ბლანკის, სორელს, კროპოტკინს, ბაკუნინს... უკულ გინილ კანტშა, ჰეგელშა, სპინოზაშა... მუსოლინი ბრელშა რდჷ დაპატიმრებული მუშ საქვარუაშენი. მუსოლინი ლექციეფშა გილეშჷ ლოზანაშა დო ჟენევაშა. ქჷდიგურუ გერმანული, ფრანგული ესპანური დო ინგლისური ნინეფ.

1904 წანას იტალიაშ მაფაქ ამნისტია გაგმუცხადჷ დეზერტირეფს დო მუსოლინიქ ოდაბადეშა დირთჷ. თე ბორჯის მუს პოლიტიკური ექსტრემისტიშ რეპუტაცია უღუდჷ. 25 წანერ „მაჸალე მუსოლინი“ იბეშტუდჷ რევოლუციურ - ინტერნაციონალისტურ გუმოჩამას „მახანდეშ მუმალი“ (Avenire del Lavoratore). მუსოლინიქ თარობაშა ძალაშ გუმორინაფაშ შარათ მორთჷ. დუდშე მუშ 25 000 "სკვადრისტის" უზოჯჷ ჸუდეეფშა ულა, ნამუეფით რომიშ ხოლოს რდეს ტყობინელ. მიდგაქ მუთუნ დაშუნ, არძა დასაჯჷ. ათეთ მუქ ქაძირუ, ნამდა ხვალე ფაშისტეფიშ ვარ, თელ იტალიაშ ლიდერ რდჷნ. თარობაშა მუსოლინიქ ფაშისტეფწკჷმა ართო, შხვა პარტიეფიშ მაკათურეფ ხოლო გემშეჸონჷ. მუშ ხემანჯღვერობაშ თუდო ქიდიტუ გალეიან საქვარეფიშ, დინოხოლენ საქვარეფიშ, შეიარაღებულ ძალეფიშ დო კორპორაციეფიშ ომინისტრეეფი. მუსოლინიშ რეფორმეფქ ჯგირობუა მოუღუ იტალიას. მუშეფქ დართეს ჩარხეფს, სტუდენტეფქ წიგნეფს, ქარხანეფქ ემუშეს.

1923 წანას დოთირუ 1848 წანაშ კონსტიტუცია.

მუსოლინი დორხვეს 1945 წანაშ პირელს პარტიზანეფქ.

[რედაქტირაფა] რესურსეფი ინტერნეტის

ბენიტო მუსოლინი

[რედაქტირაფა] რესურსეფი ინტერნეტის

პერსონალური ხეჭკუდეფი

ჯოხოეფიშ ოფირჩა

ვარიანტეფი

ძირაფეფი

მოქმედალეფი

გორუა

ნავიგაცია

ინსტრუმენტეფი

შხვა ნინეფს