ბისმარკიშ ზუღა
ვიკიპედია ხასჷლაშე
ბისმარკიშ ზუღა — იდვალუაფუ წყჷნარი ოკიანეშ ობჟათე-ბჟადალ ნორთის, კოკი ახალი გვინეაშ ოორუეშე დო ბისმარკიშ დო ადმირალიშ კოკეფიშ ობჟათეშე. თეშ, მუჭოთ ბისმარკიშ არქიპელაგის, თე ზუღასჷთ ჯოხოქ გიადუ პრუსიაშ კანცლერიშ - ოტო ფონ ბისმარკიშ პატიშოჩამალო. ბისმარკიშ არქიპელაგი ზუღას გოუხე ოორუშე დო ობჟათეშ გჷშმართჷნს თის წყჷნარი ოკიანეშე. ობჟათეშე, ვიტიაზიშ საროტით მიარსხუაფუ სოლომონიშ ზუღას.
ზუღაშ ფართობი აკმადგინანს 310.000 კმ²-ს. ოშქარი სიტომბა რე 1700 მ, მაქსიმალური სიტომბა — 2665 მ.
1943 წანაშ 3 და 4 მელახის, მაჟირა საგებიო ლჷმაშ ბორჯის, თე ზუღას იაპონიაშ ოზუღე ძალეფქ დემარცხეს. ბურჯაფიქ ისტორიაშა "ბისმარკიშ ზუღაშ ბურჯაფიშ" ჯოხოთ მიშელჷ.
