გალაკტიონ ტაბიძე
გალაკტიონ ტაბიძე (დ. 17 გერგობათუთა 1891 წანა, ვანიშ რაიონიშ ოფუტე ჭყვიში – ღ. 17 მელახი, 1959 წანა), ქართი) — დიდი ქორთუ პოეტი დო ოჯარალუ მოქარანე, საქორთუოშ ოკათაშური პოეტი (1933), საქორთუოშ მენცარობეფიშ აკადემიაშ აკადემიკოსი (1944 წანაშე), XX ოშწანურაშ ქორთული პოეზიაშ ართ-ართი უდიდაში წჷმმარინაფალი.
გალაკტიონ ტაბიძექ დებადჷ ოფუტე ჭყვიშის. პოეტიშ მუმაქ - ვასილ ტაბიძექ, სქუაშ დაბადებაშახ ჟირი თუთათ ორდო დოღურჷ. თინა დიო ოფუტეშ პაპა, უკული კინე თი ოფუტეშ მაგურაფალი რდჷ. 1900 წანას ტაბიძექ ქენირიცხჷ ქუთეშიშ ოშურიელე წოფულას. 1908 წანაშე გურაფა გაგინძორჷ ქართიშ ოშურიელე სემინარიას. 1910–1911 წანეფს მუშენდჷ მაგურაფალო. 1917–1918 წანეფს რდჷ მოსკოვს დო პეტროგრადის. 1914 წანას გიშმურს გალაკტიონ ტაბიძეშ ლერსეფიშ მაართა კორობილი, ნამუქუთ ართუცფას ქიმკიჭოფჷ ჯარალუაშ თოჸუჯი დო დიდი პოპულარაფა მოუღჷ დო 1919 წანას გიშაშქუმალირი "არტისტული ყვავილები"-ქ ავტორს "გენიალური გალაკტიონიშ" დო "პოეტეფიშ მაფაშ" ჯოხო მოუღეს. 1919 წანაშე ოხორანდ დო ქარანენდჷ ქართის. 1922-1923 წანეფს გიშმაშქვანდ "გალაკტიონ ტაბიძეშ ჟურნალს". 1924 წანას თინა რდჷ ჟურნალი "მნათობიშ" ართ-ართი დუმარცხუაფალი. 1935 წანას პარიზის ოკათუდჷ ანტიფაშისტური კონგრესის.
უდიდაშ პოპულარაფაშ დო თაყვანისცემაშ უმკუჯინუო, პოეტიქ რინა შურიელი ხვალახობათ მუკორთჷ. თექ ირფელქ მუში ნოქური ქიგიოხუნუ თიშ ქიმერონსჷთ ნამუქუთ პოეზიას ახალ შურდგუმა, გოშხვანერაფილი რიტმი, მიარეფერობუა და მუში სისქვამე მეუძინჷ.
გალაკტიონქ ღურჷ 1959 წანას 17 მელახის. "პოეტეფიშ მაფაქ" რინა დუდიშ ჸვილუათ გასურჷ.
დინორე |
[რედაქტირაფა] ქიმერონი
გალაკტიონ ტაბიძე დო მუში დიდებუანი ქიმერონი ირო რდჷ ბჟადალიშ ლიტერატურათმარჩქენჯეფიშ თოჸუჯიშ ცენტრის. თიში ლერსეფიშ დო პოემეფიშ ნათარგმეფი სისტემატურო იბჟინუაფჷდ ფრანგული, გერმანული დო ინგლისური ნინეფშა. ღოზგასუმალარიე, ნამდა მიარე ნათანგა გიბჟინუაფჷდ ქორთული ემიგრანტული პრესაშ ხიმფორეფს (ჟურნალეფი "კავკასიონი", "ბედი ქართლისა" დო თ.უ.). 1991 წანას გალაკტიონიშ ართტომამქ გიშეშკჷ ბერლინს, გერმანულ ნინაშა. თიშ ქიმერონიშ დინოხოლე შტეფი იუნგერ-ხოტივარიშე გახაზირებული სტატია მიშულირიე "საგებიოშ ლიტერატურაშ ენციკლოპედიური ლერსიკონშა", ნამუქუთ შტუტგარტის, გერმანული ნინაშა გიშეშკჷ 2004 წანას. 1992 წანას ოერეფოშქაშე ქართველოლოგიური ჟურნალიშ გეორგიკა (იენა) გეორგიკა (იენა) მა-15 ტომს გიბჟინუ ქრისტიან ლიჰტენფელდიშ ფაჩილი სტატიაქ პოეტიშ რინაშე დო ქიმერონიშე. გალაკტიონიშ ქიმერონიშ სხუნუას მენორსამი აბანი უკინებჷ პროფ. დონალდ რაიფილდიშ მონოგრაფიას ქორთული ლიტერატურაშ ისტორიაშე, ნამუქუთ 2000 წანას ინგლისურ ნინაშა გიშართჷ ლონდონს.
[რედაქტირაფა] რესურსეფი ინტერნეტის
[რედაქტირაფა] გალაკტიონ ტაბიძეშა მეჯღუნილი ვებ-ხასჷლეფი
[რედაქტირაფა] გალაკტიონ ტაბიძეშ ლერსეფი
- გალაკტიონ ტაბიძეშ არძა ლერსი - "ქორთული ლიტერატურაშ დიდი ბიბლიოთეკა"
- გალაკტიონიშ ლერსეფი 400.ge-ს
- შემოქმენდაფა ლიბ.ჯე-ს (ქორთ.)
- შემოქმენდაფა testireba.ge-ს (ქორთ.)
- გალაკტიონ ტაბიძეშ ლერსეფი მარგალურო
