განდინაგარი

განდინაგარი
	განდინაგარიშ კანონმადვალუ ასამბლეაშ პანორამაგანდინაგარიშ კანონმადვალუ ასამბლეაშ პანორამა
ქიანა	ინდოეთი
შტატი	გუჯარათი
კოორდ.	23°13′12″ ოორ. გ. 72°40′48″ ელ. გ. /
ფართობი	177 კმ²
ცენტრიშ სიმაღალა	80 მ
მახორობა	195 891 კოჩი (2001)
მეჭედალა	1,100 კოჩი/კმ²
ბორჯიშ ორტყაფუ	UTC+5:30
ტელ. კოდი	+91 79
ოფიციალური ვებ-ხასჷლა	რცხუ
	განდინაგარი
	განდინაგარი

განდინაგარი (გუჯ. ગાંધીનગર, ინგლ. Gandhinagar) — ნოღა ინდოეთიშ ბჟადალშე, შტატი გუჯარათიშ ადმინისტრაციული ცენტრი.

ისტორია[რედაქტირაფა | წყუშ რედაქტირაფა]

1960 წანას, ინდური შტატი ბომბეიქ გირთჷ ჟირ შტატო — მაჰარაშტრათ დო გუჯარათო. დუდმაართათ გუჯარათიშ ნანანოღა იდვალუაფუდჷ აჰმადაბადის, 1970 წანას, ნანანოღაქ გინოღალირქ იჸუ ახალ ნოღა განდინაგარშა (დირსხუ 196 წანას), ნოღა წყარმალუ საბარმატიშ ჟირხოლო წყარპიჯის იდვალუაფუ. განდინაგარი, უმენტაშო ადმინისტრაციულ ფუნქციეფს ასრულენს. ნოღას ჯოხოქ გიადჷ მაჰათმა განდიშ ოპატიჩამალო.

გეოგრაფია დო კლიმატი[რედაქტირაფა | წყუშ რედაქტირაფა]

ნოღა იდვალუაფუ აჰმადაბადიშ ოორუეშე 23 კმ.-თ დო დოხოლაფირო 464 კმ.-თ ბომბეიშ ოორუე-ბჟადალშე. ნოღა ზუღაშ დონეშე 80 მეტრას იდვალუაფუ^[1]. განდინაგარი — ძალამი გოწვანაფილი ნოღა რე, ნოღაშ ედომუშამი ტერიტორიაშ დოხოლაფირო 54% ჯალეფით რე ფორილი ^[2].

მახორობა[რედაქტირაფა | წყუშ რედაქტირაფა]

2001 წანაშ ეჭარუაშ მეჯინათ, ნოღაშ მახორობა აკმადგინან 195 891 ადამიერს. ქომოლკოჩეფიშ წილი — 53%, ოსურკათაშ — 47%. ჭარუა-კითხირიშ რჩქინაშ ოშქაშე მუდანობა აკმადგინანს 77,11%-ის (82% ქომოლკოჩეფშო დო 73% ოსურკათაშო). განდინაგარიშ მახორობაშ დოხოლაფირო 95% ინდუიზმიშ მორწუმე რე.

ტრანსპორტი[რედაქტირაფა | წყუშ რედაქტირაფა]

უახოლაში აეროპორტი — სერდრარ ვალაბჰაი პატელიშ ჯოხონობაშ ოერეფოშქაშე აეროპორტი, იდვალუაფუ აჰმადაბადის. ნოღას რკინაშ შარაშ რსხუეფი უღუ.

ოქინაფუეფი[რედაქტირაფა | წყუშ რედაქტირაფა]

ნოღას იდვალუაფუ, გუჯარათიშ შტატიშ ართ-ართი უშხუაში ოხიდა — აკშარდჰამი, ნამუშ აკოგაფაქ 1992 წანას ითუნჷ. ოხიდა რჩქინელი ხოლო თით ნამჷ-და, 2002 წანას, ოხიდას ორგანიზაფილ აკოანჯარაფილ ტერორისტეფქ გიანთხესჷნ^[3].