ეგნატე ფიფია

ვიკიპედიაშე

ეგნატე ფიფია (დ. 8 ღურთუთა, 1901, წალენჯიხაშ რაიონი, ჯვარი; ღ. 6 კვირკვე, 1979) — ქორთუ ქირურგი, საქორთუოშ მენცარობეფიშ აკადემიაშ ნანდული მაკათური. უძახჷდეს „ქორთული ქირურგიაშ მაფას“.

ბიოგრაფია[რედაქტირაფა | წყუშ რედაქტირაფა]

1926 წანას გათუ ქართიშ სახენწჷფო უნივერსიტეტიშ საკურნალო ფაკულტეტი.

1940–1950 წანეფს გამაგენდჷ ქართიშ სამედიცინო ინსტიტუტიშ პედიატრიაშ დო სანჰიგიენაშ ფაკულტეტეფს, ჰოსპიტალური ქირურგიაშ კლინიკას, 1950 წანაშე შურდგჷმაშ ლიაშახ უდუდეს მუკურდჷ თე ინსტიტუტიშ საკურნალო ფაკულტეტიშ ქირურგიულ კათედრას. 1943–1953 წანეფს რდჷ საქორთუოშ მენცარობეფიშ აკადემიაშ ექსპერიმენტული დო კლინიკური ქირურგიაშ და ჰემატოლოგიაშ ინსტიტუტის ქირურგიული გჷნორთიშ გამაგე. 1941 წანას თინა ქართიშ ართ-ართი ევაკოჰოსპიტალიშ მაჸონაფალი ქირურგი ხოლო რდჷ. ეგნატე ფიფიაქ ქორთულ მედიცინას დონერგჷ კურნალობაშ ახალი მეთოდი. თინა გურაფულენდჷ ჩხონჩხიშ ექინოკოკის, ცენტრალური დო პერიფერიული ნერვული სისტემეფიშ დაზიანებაშ ოკითხეფს. ფართას დონერგჷ გეჯეჯამი ლახარეფიშ რადიკალური ოპერაცია. თის ორხველჷ ნახანდეფიშ ყიაშ პათოლოგიაშ პრობლემეფშე, მუშეთ 1977 წანას მეჩეს სახენწჷფო პრემია. დაჯილდებულიე ლენინიშ 2 ორდენით.

1955 წანას მეჩეს საქორთუოშ სსრ მეცნარობაშ დოინალაფირი მოღალეშ წოდება.

1969 წანაშე რდჷ საქორთუოშ მენცარობეფიშ აკადემიაშ ნანდული მაკათური.

რესურსეფი ინტერნეტის[რედაქტირაფა | წყუშ რედაქტირაფა]