ედინბურგი
ედინბურგი რე შოტლანდიაშ ნანანოღა. მახორობაშ მუდანობათ ედინბურგი შოტლანდიას ხვალე გლაზგოს კინასქიდუ, ოდო დიდი ბრიტანეთის თე ნოღას მაშქვითა აკანი უკინებჷ. ნოღა ედინბურგიშ მუნიციპალური სხუნუ, რე შოტლანდიაშ 32 აკანური თარობაშ შოტლანდიაშ ადმინისტრაციული მართუალაშ სხუნუშე ართ-ართი. ედინბურგიშ მუნიციპალური სხუნუშ ტერიტორიას ნოღა ედინბურგწკჷმა ართო მიშმურს, თიშ ელჷ-მოლჷს ჸოფილი ურბანული ტერიტორიათ, ედომშამო 78 კმ².
ნოღა იდვალუაფუ ობჟათე-ელახ შოტლანდიას, ნორვეგიაშ ზუღაშ პიჯიშ ზოლს. ედინბურგის რე გჷშაკერძაფილი არქიტექტურა,მუშ გურშენით თე დოხორინი ევროპას ართ-ართი უსქვამაშ ნოღათ იკოროცხუ. თაქინეშეს იდვალუაფუ შოტლანდიაშ პარლამენტიშ ნოდგჷმი. შოტლანდიაშ ადმინისტრაციული ცენტრიშ ტერიტორიას რე ედინბურგიშ უნივერსიტეტი. ნოღა ირთუ ჟირი ნორთო ჯვეში დო ახალი ედინბურგო. 1995 წანას იუნესკოქ თე ტერიტორია საგებიო მონძეობაშ ქილინჯეფიშ ერკებულშა მიშეჸონჷ. 2009 წანას ეჭარუაშ მოღალუთ, თაქ ოხორანდჷ 477,660 კოჩი.
ედინბრუგის ირწანურო იმანჯუ ბრელი ფესტივალი. თე დოხორინს ირწანურო ბრელი ტურისტი ოსურჷ, ტურისტეფიშ მუდანობაშ განშე ედინბურგის ნოღა ლონდონიშ უკული გოართამაფილი ომაფეს მაჟირა აბანი უკინებჷ.
