ედომუშამი ერუანული პროდუქტი

ვიკიპედია ხასჷლაშე
გეგნორთი: ნავიგაცია, გორუა

ედომუშამი ერუანული პროდუქტი (ეეპ) (ინგლ. Gross National Product, GNP) — ქიანაშ რეზიდენტეფშე მოჭირინაფილი ხანდათ დო ღმალათ ართი წანმოწანას წარმებული პროდუქციაშ დო მოინალაფაშ საბაზარო ღირებულება. ედომუშამი დინოხოლენი პროდუქტიშე გინორთელო, ნამუთ გუთმოთანჯუნს წარმებას გეოგრაფიული დვალათ, ედომუშამი ერუანული პროდუქტი ითოლწონენს წარმებას დორხველაფაშ მეჯინათ.

ედომუშამი ერუანული პროდუქტი ვა აშხვანერენს ხარისხობურ გოუჯგუშაფას ტექნიკურ ხელობუას (მაგალთო, კომპიუტერიშ წარმებელურობაშ, ინფორმაციაშ დამუშებაშ სიჩქარეშ მორდუალა) მუშ მუდანობურ რდუალაშე (მაგალითო, წარმებული კომპიუტერფიშ მუდანობა). ჟირხოლო თინეფს მითმირჩქინანს „ეკონომიკური რდუალაშ“ ფორმეფო.[1]

ედომუშამი ერუანული პროდუქტი დო ედომუშამი დინოხოლენი პროდუქტი[რედაქტირაფა]

ედომუშამ ერუანულ პროდუქტის (ეეპ) ხშირას უპირისპირენა ედომუშამ დინოხოლენი პროდუქტის (ედპ). ედომუშამი ერუანული პროდუქტი ზჷმუნს აორთის, მეღებულს ქიანაშ საწარმეეფშე, თე საწარმეეფიშ ფიზიკური დვალაშ უმკუჯინუო, ქიანაშ დინოხოლე თუ ხურგიშგალე; ოდო ედომუშამი დინოხოლენი პროდუქტი მორთინაფილი რე ქიანაშ თანჯეფს ჸოფილი საწარმეეფშე წარმებული აორთით, თეშ უმკუჯინუო, ორხველჷ დო ვარ არძო ოწარმე თე ქიანას.

მუჟამცჷთ ქიანაშ კაპიტალი ვარა ხანდაშური რესურსეფი დაკებული ქიანაშ ხურგეფს გალე, ვარა მუჟაც ურცხოური ფირმა მოქმედენა ქიანაშ ტერიტორიას, ილებეა, ედომუშამი ნაციონალური პროდუქტიშ დო ედომუშამი დინოხოლენ პროდუქტიშ მაძირაფალეფი გინიშხვანერებუდას ართიანშე. მაგალითიშო, 2009 წანას ააშ-ქ მუში ედომუშამი დინოხოლენი პროდუქტი გოთანჯჷ 14.119 ტრილიონი ააშ-იშ დოლარით, მუჟამსჷთ ედომუშამი ერუანული პროდუქტი 14.265 ტრილიონი დოლარი რდჷ.

რესურსეფი ინტერნეტის[რედაქტირაფა]

სქოლიო[რედაქტირაფა]

  1. ჰერმან დელი. (1996), რდუალაშ მიკე. Beacon Press