ეტნა

ეტნა (იტალ. Etna ვარა Mongibello) — მოქიმინჯე ვულკანი კოკი სიცილიას სიმაღალათ დოხოლაფირო 3380 მ. თეჟამო არძაშე მაღალი დო არძაშე აქტიური ვულკანიე ევროპას. მუში ზუსტი სიმაღალა ვემიწურინე, თიშენი, ნამჷ-და თინა ირო ითჷრუ ეშაგორგოთეფიშ დო შლაკეფიშ ეშაწჷმაშ გეშა. ეტნას 400-შახ ხასჷლური კრატერი უღჷ. ოშქაშეთ სუმ თუთაშე ართშა ლავას ეშმაგორგოთანს. სტატისტიკურო ვულკანი 150 წანაშე ართშა ნამჷდგაიჸინ დოხორინს ჯალაგანს. გორგილაფირი ლავაშ გეშა ეტნაშ მუკი-მუკის ნერჩი გჷშაკერძაფილო ოჸოფარე რე დო თიშ კართეეფს ხილს, ზეთიშხილს დო ბინეხის აშენენა. 1981 წანას თიშ მუკი-მუკის ერუანული ტყაჩირი აკოქიმინეს.

რჩქვანელობური ავტომობილით ეტნაშა 1900 მეტრიშ სიმაღალაშა ეშერთინე. თაჸურეშე საბაგირო რზას 2550 მეტრიშახ ეშმაჸუნს მჷმათოლორაფალეფი, მუშ უკულით 34 ევროშა ცალსაროტით 2925 მეტრიშ სიმაღალაშახ ეშერთინე.

ქოძირით ხოლო[რედაქტირაფა | წყუშ რედაქტირაფა]

იტალიაშ ვულკანეფიშ ერკებული

ლიტერატურა[რედაქტირაფა | წყუშ რედაქტირაფა]

Chester, D. K.; Duncan, A. M., Guest, J. E., and Kilburn, C. R. J. (1985). Mount Etna: The Anatomy of a Volcano. Chapman and Hall, 412 pp ხს.. ISBN 0-8047-1308-1.

თე სტატია გეოგრაფიაშ გეშა დიოდღარო მერკე რე. თქვა შეგილებუნა ქუმმეხვარათ დო აკაფშათ თინა.