ინფორმაცია

ინფორმაციაშ მაართა შანულობა რე მუდგაინი ჩინაფა, შატყვინაფა (informatio ლათინურო შანენს "განმარტებას, გინოჩამას"), ნამუთ ადამიერიშით გინიჩამუ ზიტყვიერო, ჭარილო ვარა შხვა გაბრათ (პირობითი სიგნალეფი, ტექნიკური გაბრეფი დო შხვა).

ინფორმაცია ფართე შანალუაშ მაღვენჯი ცნება რე, ნამუთ კონტექსტიშ ოსქვებურო შილებე შანენდას:

• მეღებული რჩქინას მუდგარენ გოთანჯელი ფაქტიშ ვარა მოლინაშენი(ახალი ამბე: პოლიტიკური, კრიმინალური, საყოფაცხოვრებო);
• ჩიებათ, გურაფათ ვარა რკვიათ ეჭოფილი რჩქინას;
• ჩინაფაშ გინოჩამაშ მოქმენდალას ვარა ფაქტის;
• სპეციალური (მაგ. ონოფულე) ჩინეფეფიშ კოროფუა-გინოჩამა;
• მუნაჩაიშ მენორსის ანუ გინოჩამილი ჩინაფაშ ანაჩიას.

მა–20 ოშწანურაშ შქაწანეფიშე თიქ ომენცარე ტერმინო გინირთჷ, ნამუთ გულირიწყლენს ჩინეფეფიშ გოთირუას ადამიერეფიშ შქას, ადამიერის დო ავტომატის შქას, ავტომატეფიშ შქას, თაშნეშიშე სიგნალეფიშ გოთირუას ჩანარეფიშ დო ნოტყეფიშ აკარენს, ანდეფიშ გინოჩამას უჯრედიშე უჯრედიშა, ორგანიზმიშე ორგანიზმიშა. ინფორმაცია კიბერნეტიკაშ ართ-ართი ჯინჯიერი ცნება რე.