კარატი

ვიკიპედიაშე

კარატი, ჯვ. ბერძნული წონაშ ართური; შქა ოშწანურეფს გოფაჩილი რდჷ ხოლო დო შქა ბჟაეიოლიშ ქიანეფსჷთ. ბერძნულ–რომაული კარატი ომანგუდ 0,189 , ეგვიპტური - 0,196 გ. საქორთუოს დიკვირდჷ XI -XVII ოშწანურეფს კერატიშ დო XVII-XVIII ოშწანურეფს ყირათიშ ჯოხოდვალათ. კერატი მიშმეშჷ დრამაშ წონაშური სისტემაშა დო თიში 1/12–ს, ანუ 1,212 გ რდჷ. ყირათი აკმადგინანდჷ მირცხალიშ 1/24-ს, ანუ 0,192 გ.

კარატი რე თაშნეშე ძვირფასი ქუალეფიშ მასაშ ოზჷმალი. 1907 წანას პარიზიშ ოენაციეფოშქარე კონვენციაშ გოთანჯუათ კარატი ომანგჷ 200 მგ ვარა 2•10ˉ4 კგ. ნამთინე ქიანას ეღანკჷნს თაშნეშე ძვირფასი ლითონეფიშ მიშნადღულეფიშ სინჯის.

ლიტერატურა[რედაქტირაფა | წყუშ რედაქტირაფა]