კასტელ-დელ-მონტეშ ჯიხაზურგა

ვიკიპედია ხასჷლაშე
გეგნორთი: ნავიგაცია, გორუა
კასტელ-დელ-მონტეშ ჯიხაზურგა*
იუნესკოშ საგებიო მონძეობაშ ქილინჯი
Castel del Monte.jpg
ლაგუნაშ რუკა
ქიანა Flag of Italy.svg იტალია
ტიპი კულტურული
კრიტერიუმეფი i, ii, iii
ერკებული იუნესკოშ ერკებული
რეგიონი** ევროპა
კოორდინატეფი 41°05′03″ ოორ. გ. 16°16′17″ ელ. გ.
კათაფაშ ისტორია
კათაფა 1996 (მა-20 სესია)
ნომერი 398
* ქძ. ინგლ. ჯოხო UNESCO-შ ერკებულც.
** იუნესკოშით კლასიფიცირაფილი რეგიონი.
იუნესკოშ შილა მოსოფელიშ მონძალა
UNESCO, ობიექტი № 398
რუს.ინგლ.ფრ.

კასტელ-დელ-მონტე (იტალ. Castle of the Mount) — XIII ოშწანურაშ ჯიხაზურგა ობჟათე-ბჟადალ იტალიას, აპულიაშ რეგიონიშ ნოღა ანდრიას, ბარიშე 70 კილომეტრით ბჟადალჸურე. ეკიდჷ რომიშ იმპერატორ ფრიდრიხ II-ქ, დოხოლაფირო 1240-1250 წანეფს. უკულიან პერიოდეფს, თინა მუდგაზმარენშახ გორჩვეს აბრაგეფქ. თის ვართ ნთხორილი გარჩქჷ მუკი-მუკის დო ვართ ეიოკინალი ხინჯი, თეშ გეშა, დღას ვა გჷმირინუაფუდუ, მუჭო დუდიშოთხილუ ჯიხაზურგა.

1996 წანაშე მიშულირი რე იუნესკოშ საგებიო მონძეობაშ ქილინჯეფიშ ერკებულშა.

ჯიხაზურგა ჭიჭე გას, ზუღაშ დონეშე 550 მეტრას, სანტა-მარია-დელ-მონტეშ მონასტერიშ გოხოლუას იდვალუაფუ. მუჟამსთ თიქ იუ ეკიდილქ, თე რეგიონი ძალამი ოჸოფარე რდჷ დო ფორილი რდჷ შხვადოშხვა სახეშ ჩანარეფით.

ჯიხაზურგას მუში მინჯე, ფრედერიკ II ონადირუ ჸუდეთ გჷმირინუანდჷ, სოიშახ თიქ 1250 წანას ვადოღურუ. თეშ უკული, ნოგაფუ ჯიხათ გეგნაკეთეს, ნამუსჷთ გაჭირებაშ ბორჯის დუდს მითაფორუანდეს. დუდშე, ნოდგჷმს მარმარილოშ კიდალეფი დო სჷმეტეფი უღუდუ, ნამუეფით უკული აბრაგეფქ ქჷგახიის.

XVIII ოშწანურას, ჯიხაშ თელი მონწყილობა გორჩვეს. ბურბონეფიშ დინასტიაშ წჷმმარინაფალეფქ, მუში მარმარილოშ სჷმეტეფი დო ოსინთურიშ ჩარჩოეფი კაზერტიშ ომაფე დოხორეშ კიდანჯალას გაგმირინეს. თეშ უკული იჭყაფუ ჯიხაზურგაშ ხანგინძე მეტებაშ დო გოჭყოლადაშ პერიოდი. 1876 წანას, იტალიაშ თარობაქ თინა 25 000 დოლარშა ქიჸიდჷ დო 1928 წანაშე ორესტავრაციე სამუშეფქ ქჷდიჭყჷ.

თეჟამო, ნოგაფუ გმოსახილი რე 1 ევრო-ცენტამ იტალიურ მონეტას.

ქოძირით თაშნეშე[რედაქტირაფა]

რესურსეფი ინტერნეტის[რედაქტირაფა]

ჯიხაზურგაშ ინტერიერიშ პანორამა
ჯიხაზურგაშ ინტერიერიშ პანორამა