კვადაკი (ჩანარი)

რჩქვანილური კვადაკი

კვადაკი — (Hippophae rhamnoides) (ქორთულო: ქაცვი) შხირნოჸელამი ქვერჩხამი ჩანარი ფშატიშობურეფიშ ფანიაშე, სიმაღალათ 1,5-3,5 მ, ვანაფერო 10 მ. სიმაღალაშ ჯა რე. ნოშეფი ფურცელეფი მორიგეობითი რე, კუნტა ყერწეფით, ღოზურ-ლანცეტა, ჟიშე მოთანჯიშფერი-რუმ წვანე რე, თუდოშე მოვარჩხილიშფერო-ჩე. პეულეფი ჟირბინამი რე, პილაგანი ჯამიშნერი, უნოშო პეულიშორქუნალით.

ნოჸოფი წვენამი, ვარკალა, ნარინჯიშფერი, ყვითნელი ვარდა მოჭითე რე, სფეროშნერი ფორმაშ, მუკოჩანს ძალამ კუნტა ნოჸოფიშმიკამარგებუს, ნამუთ ფსქელო მიკოხე ნოჸელას.

გოფაჩუა

კვადაკი ირდუ წყარმალპიჯეფს, გვალაშ სუკეფს, შიშე დიხეფს, სოდე შხირას იქიმინუ ძნელომიოულარი ჩანარეფი. გჷშაკერძაფილო ფართას რე გოფაჩილი კვადაკი წყარმალუ რიონიშ დო ცხენწყარიშ ლეხერეფს, სოდე შილებე კვადაკიშ მასიურო გოხაზჷრაფა.

ქიმიური აკოდგინალუა

ნოჸოფეფი ოჭკომალო ირგჷ, მომჟავო, დიდარი რე ვიტამინეფით ანანასიშ შურით. იკათუანს 3,5%-შა შანქარს, 2,6% მჟავეეფს, 8% ცხიმამ ზეთეფს 300-450 მგ.% C-ვიტამინს, კაროტინს, B1, B2, BC (ნოშიშ(ფურცელიშ) მჟავა) დო E ვიტამინეფს. ნოჸოფიშა მიშმაულარი ზეთი მეურს ნაჭყოლუშ აკახორცაფალი წამალეფიშ ოკეთებელო.

ელახვარაფა

ხალხურ მედიცინას კვადაკიშ ნოჸოფეფს გჷმირინუანა მუჭოთ ჭუაშგუმაყუჩებელ, ყიაშ ოკურნალებერო დო სურავანდაშ საწინააღმდეგო ანჯას(საშუალებას). გჷმირინუაფუ ხოლო კვადაკიშ ნოშეფი. თენეფი იკათუანა 230-260 მგ.% C-ვიტამინს დო 10%-შა მთრიმლავ ნივთიერებეფს. ლელ შეჸერიშ ოა ნოშეფშე ღებულენა უჩა, დო ნაყოფეფშე – ყვინთელ ოღაფალეფს.

რესურსეფი ინტერნეტის

იმერეთიშ ომკურნალე ფლორა