კოდორი

ვიკიპედიაშე
კოდორი
დოხასიათაფა
სიგირძა 84 კმ
ღანჩოშ ფართობი 2030 კმ²
აკათუ უჩა ზუღა
ქიანეფი საქორთუო

კოდორიწყარმალუ ბჟადალ საქორთუოს, აფხაზეთიშ ავტონომიურ რესპუბლიკას. კოდორი აკმიქიმინუ წყარმალუეფიშ - საკენიშ დო გვანდრაშ აკოშქუმალათ ოფუტე კვარჩხან გენწვიშიწკჷმა (ქორთ. მარცხენა გენწვიში), ზუღაშ დონეშე 740 მეტრაშ სიმაღალას. აკათუ უჩა ზუღას ოფუტე აძიუბჟაშ ობჟათეშე. სიგინძა რე 84 კილომეტრი (გვანდრაშ ოდუდეშე 110 კილომეტრი), ღანჩოშ ფართობი 2030 კვ.კმ. მეურს ონჭირე ლეხერს, მიშაკათაფუშე 25 კილომეტრიშ უკული გინურს რზენშა, წყარიშ ოშქაშე წანმოწანური ხარჯი რე 123 კუბ.მ/წმ-ს. კოდორიშ ნადუეფიშ უმეტაშობას ოდუდე უღჷ კავკაციონიშ თარი წყარგჷმართალი ქჷნდჷრიშ ობჟათე კართეს. უთარაში ნადუეფი რე: ჩხალთა, მრამბა, ჯამპალი ამტყელით. კოდორიშ ღანჩოს 100-შახ ჯიშთი რე (მარუხი, პტიში, ყლიჩი, ქლუხორი დო შხვა), ნამუეფიშ ფართობი 82 კვ.კმ.-ს ოჭირინდუანს.

კოდორი ირდუ ჭვემაშ (31 %), დიხაშთუდონი (28,6 %), თჷრიშ (22,6 %) დო უგურყელიშ (17,8 %) წყარეფით. წყარალა უჩქჷ მელახიშ მაჟირა გვერდიშე ეკენიაშ ლიაშა. წანმოწანური წყარიშ გუმნაულაშ 72 % აფუნ-ზარხულშე მოურს. დამორჩილს უჩქჷ წყარიშმოსოფუეფი, წყარიშ ჭიჭე მუდანობა უჩქჷ ბზოთონჯის. კოდორი წყარხვეიანი წყარმალუ რე. წანმოწანური წყარიშ გუმნაულა რე 4,1 კვ.კმ. უჩა ზუღაშა კათაფაწკჷმა აკმოქიმინუნს დელტას.

ლიტერატურა[რედაქტირაფა | წყუშ რედაქტირაფა]