კრიშტიანუ რონალდუ
კრიშტიანუ რონალდუ დუშ სანტუშ ავეირუ (პორტ: Cristiano Ronaldo dos Santos Aveiro) (დ. 5 ფურთუთა, 1985, ფუნშალი, პორტუგალია) - პორტუგალიარი მაბურთე, ნამუთ თეჟამს მადრიდიშ რეალს ასპარეზენს.
ბაღანობაშე რონალდუშ საჸოროფო ბუნა რდჷ ლისაბონიშ ბენფიკა. 8 წანერი რონალდუ ლაჸაფენდ ანდორინიას, სოვრეშე 1995 წანას გეგნორთუ ნასიონალშა, ნამუ წკჷმა ართო პორტუგალიაშ ახალგაზდული ჩემპიონატი მიგუ. 2 წანაშ უკული პორტუგალიაშ ართ-ართი უუჯგუშაში ბუნაშა - ლისაბონიშ სპორტინგშა გეგნორთჷ. პირველი ლაჸაფის კრიშტიანუქ მორეირენსეს 2 გოლი გემთუუღუ. 2003 წანას მუჟამუთ სპორტინგი ოლაჸაფუდუ მანჩესტერ იუნაიტედისინ, კრიშტიანუშ ლაჸაფიქ მეწონჷ სერ ალექს ფერგიუსონს, ოდო მუშ ბუნაშა გეგნიჸუნუ, მუქჷთ დოუზოჯჷ მანჩესტერს 12,24 მილიონ ევროქ.
[რედაქტირაფა] მანჩესტერ იუნაიტედი
რონალდუშ დებიუტი რდჷ ბოლტონწკჷმა მუჟამუთ, ლაჸაფშა მა-60 წუნს მიშართუ. 2005 წანაშ სეზონს რონალდუქ გემთიღუ 10 გოლი, იუნაიტედიშ ფანეფქ გეგნოჩეს წანაშ არძაში უჯგუში მოლაჸაფეშ პრიზი.
2006 წანას გჷმათუთაშ დო გერგობათუთაშ თუთეფიშ პრემიერლიგაშ არძაშ უჯგუში მოლაჸაფეთ კოროცხეს, თე წანას მანჩესტერ იუნატედიქ პრემიერლიგა მიგუ.
2007 წანას რონალდუ პრემიერლიგაშ არძოშ უმოს მაღალანაზღაურებადი მოლაჸაფე რდჷ.
2007 წანას პორტუგალარქ კაკაშ უკული, ორქოშ ბურთიშ ლაურეატობაშე მაჟირა აბანი ეჭოფუ.
2007-2008 წანაშ ჩემპიონეფიშ ლიგაშ ფინალს რონალდუქ პირველი გოლი გემთიღუ, ოეკონიე ჯამს მანჩესტერქ მიგუ თასი პენალტეფიშ სერიათ, 6-5.
2008 წანას კრიშტიანუ რონალდუქ სეზონიშ ბომბარდირიშ ორქოშ ბუციშ პრიზი მიგუ.
2003–2009 წანეფს რონალდუქ მანჩესტერიშ ჯოხოთ ილაჸაფუ 196-შა, თავრეშე 84 გოლი აფუ მითოღალირი.
[რედაქტირაფა] მადრიდიშ რეალი
 |
თე სტატია მერკე რე. თქვა შეილებუნა ქიმეხვარათ ვიკიპედიას დო გაგშათინათ დო გოფაჩათ. |
