ლაგო-მაჯორე

ვიკიპედია ხასჷლაშე
გეგნორთი: ნავიგაცია, გორუა
ლაგო-მაჯორე
Lago Maggiore-Mappa.png
კოორდინატეფი 45°57′00″ ო. გ. 8°38′00″ ბ. გ.
სიგინძა 66 კმ
სიგანა 10 კმ
ფართობი 213 კმ²
მაქსიმალური სიტომბა 372
ოშქაშე სიტომბა 177,4
ღანჩოშ ფართობი 6 599 კმ²
ინმალი წყარმალუეფი ტიჩინო

მაჯია
ტოჩე
ტრეზა

გჷშმალი წყარმალუ ტიჩინო

ლაგო-მაჯორე (იტალ. Lago Maggiore ვარა Verbano; ლათინურო Lacus Verbanus) — დიდი ტობა ალპეფიშ ობჟათე ნორთის, შვეიცარია-იტალიაშ თანჯას. თინა იტალიაშ სიდიდათ მაჟირა დო ობჟათე შვეიცარიაშ მაართა ტობა რე. ლაგო-მაჯორე იტალიაშ ალპეფიშ გვალაშწჷმოხონიშ სუმი დიდი ტობაშე არძაშე ბჟადალშე აშახვილჷ დო იფაჩუ 70 კმ-ს ლოკარნოს დო არონას შქას.

ზოთონჯისჷთ დო ზარხულსჷთ კლიმატი ლჷბუ რე, მუთ ხეს უნწყჷნს სქირონაშქაზუღური ჩანარეფიშ გოფაჩუას. უსქვამაშ ბაღეფს ირდუ ვანაფერი დო ეგზოტიკური ჩანარეფი.

გეოგრაფია[რედაქტირაფა]

ლაგო-მაჯორეშ დო ალპეფიშ გინაჯინუ ლომბარდიაშ ლევანოშ კომუნაშე

ტობაშ სიგინძა 68 კილომეტრი რე, სიგანა — 3-შე 5 კმ-შა ითირუ, თი ჸუჯიშ მოხ, ნამუთ ნოღა პალანცას დო სტრეზას შქას იფაჩუ, თაქ სიგანა 10 კმ-ს ოჭირინდუანს. სიგინძათ ლაგო-მაჯორე მაართა რე იტალიას, მარა ჟიდოხიშ ფართობით ხვალე გარდაშ ტობას კჷნასქიდუ. ტობაშ სიტომბა ითირუ, მარა მუში ქვაბული დახე არძა მუნაკვათას ზუღაშ დონეშე არძაშე ნორკე 179 მეტრათ გიმე იდვალუაფუ. მუს გვარიანო გიროხილი ფორმა უღუ, თეშენი ხვალე მუდგაზმარენი ჭურჭულშე რე შელებუანი ტობაშ არძა შანულამი ნორთიშ ართი თოლიშ გინოჸუნაფათ ძირაფა. გვარიანო პეიზაჟური რე ტობაშ ელ-მოლეფი. ჟინი ნორთის იდვალუაფუ ალპეფი, შქა ნორთი სუკეფს შქას რე გოფაჩილი, თუდოლენ ნორთის დომინირენს ლომბარდიაშ რზენი.[1]

ტობაშ ქვაბული ტექტონიკურ-ჯიშთური ბადებაშ რე დო მუში ფართობი 37კმ³ რე, ჟიპიჯიშ ფართობი რე 213 კმ². ინმალი თარი წყარმალუეფი რე ტიჩინო, მაჯია, ტოჩე დო ტრეზა. გუშულათ კინე გუშმურს წყარმალუ ტიჩინო, ნამუთუ უკული აკმიწყორუ პოწკჷმა.

ტობაშტბის წყარპიჯი მუკოთანჯილი რე ლეპოტინიშ ალპეფით. ბჟაეიოლ წყარპიჯი პიემონტიშ რეგიონს ორხველჷ, ბჟადალი — ლომბარდიას, ოძგაშეშ ოორუე — შვეიცარიაშ ტიჩინოშ კანტონს, სოდეთ რე ტობაშ ზუღაშ დონეშე მაქსიმალური გიმე დვალირი მუნოკვეთი.

ქოძირით თაშნეშე[რედაქტირაფა]


რესურსეფი ინტერნეტის[რედაქტირაფა]

სქოლიო[რედაქტირაფა]

  1. John Ball, The Alpine Guide, Central Alps, p. 306