ლედი გაგა
| ლედი გაგა | |
|---|---|
მელახი 2010 |
|
| ბიოგრაფია | |
| თახმი ჯოხობუ | სტეფანი ჯოან ენჯელინა ჯერმანოტა |
| დებადჷ | 28 მელახი, 1986 ასაკი (25) |
| ბადებაშ აბანი |
 ნიუ იორკი, ააშ |
| ჟანრი/ეფი | პოპი, ოსხაპური მუსიკა, ელექტრონიკა |
| საქვარუა/ეფი | მომღერალი, მუსიკოსი, სიმღერების ავტორი |
| ინსტრუმენტი/ეფი | ვოკალი, ფორტეპიანო, სინთეზატორი |
| აქტიური | 2006 - ამდღარშახ |
| ლეიბლი/ეფი | Interscope, Streamline, Kon Live, Cherrytree, Def Jam |
| ვებხასჷლა | www.ladygaga.com
|
ლედი გაგა (თახმი ჯოხო - სტეფანი ჯოან ენჯელინა ჯერმანოტა, დ. 1986 წანაშ 28 მარტის) — ამერიკალი შემსრულებელი. თიში კარიერაქ დიჭყუ ნიუ იორკიშ როკ-ანდერგრაუნდის. ლეიბლიწკუმა Streamline Records კონტრაქტით (2007 წანას) დიჭყუ თიში მუსიკალური კარიერაქ დიდი სცენას. დუდშე თინა ჭარუნდუ ობირეშეფს შხვა შემსრულებლეფიშო, მარა რეპერი ეიკონიშ ძალისხმევათი დო ინიციატივათ, ლედი გაგაქ გინორთუ თიშ ლეიბლის Kon Live Distribution.
დინორე |
[რედაქტირაფა] ბიოგრაფია
ამერიკალი მაბირე, მასხაპალი, ობირეეფიშ ავტორი დო დიჯეი ლედი გაგა, ანუ სტეფანი ჯოანა ანჯელინა ჯერმანოტაქ 1986 წანაშ 28 მარტის მანჰეტენს ქუდებადუ. მუსიკაქ ბაღანობაშე ქუდეინტერესუ. 4 წანაშო ზოროხინელო მიოგანდუ ფორტეპიანოს. დო მალას, ბაღანაშ მაგნიტოფონშა მაიკლ ჯექსონიში დო სინდი ლაუპერიშ ობირეშეფს ენიჭარანდუ...
სტეფანი მანჰეტენიშ სკოლას „Convent Of The Sacred Heart“, დალეფი - ჰილტონ დო ქეროლაინ კენედეფწკუმა ართო გურაფულენდუ. მორჩილ განათლებაშ მეღებაშ უკული, გურაფა ოხანტუე ნწოფულას „Tisch School of the Arts“ გაგინძორუ. 14 წანაშო თინა ნიუ-იორკიშ კლუბის „Bitter End“ დო ნწოფულაშ თეატრიშ სცენას „Regis High School Repertory“, ანსამბლის - „Regis Jazz Band“ იბირდუ.
2006 წანას, სტეფანი მუსიკალურ პროდიუსერი, რობ ფუზარისწკუმა იჭყანს მუშობას, ნამუწკუმათ მუდგაზმარენი პოპულარული ობირეში - „Beautiful, Dirty, Rich“, „Dirty Ice Cream“, „Disco Heaven“ დინაჭარუ. წორეთ თე ჟამს, თინა მაართათ ირინუანს ფსევდონიმს „ლედი გაგა“-ს (ბუნა „Queen“_იშ ობირეშეფიშე „Radio Ga Ga“).
მაართა კონტრაქტი ლედიქ „Def Jam“-წკუმა გაფორმუ.დო 2008 წანას, კონტრაქტის ლეიბლიწკუმა „Interscope Records“, ობირეშეფიშ ავტორიშ სტატუსით აფორმენს. ლედი გაგა-შ მასალას თიცალი შემსრულებლეფი ირინუანდეს, მუჭომეფით რენა: „Fergie“, „Pussycat Dolls“, ბრიტნი სპირსი და „New Kids on the Block“.
სტეფანიშ ვოკალური დო თეატრალური შელებეფიშა დიდი გოლინა რეპერი ეიკონქ მახვამილუ. 2008 წანას სტეფანი ლოს-ანჯელესიშა , ოდებიუტე ალბომეფიშო „The Fame“ იჭყანს მუშობას, ნამუქუთ კანადას, ავსტრალიას დო მუზმარენი ევროპული ქიანეფს არგუსოს განშართუ.
2009 წანაშ 18 ფრევალს, გაგაქ ბრენდონ ფლაუერსწკუმა („Killers“ დო „Pet Shop Boys“) ართო, „Brit Awards“-შ დაჯილდოებაშ ცერემონიალს გიშართუ. სტეფანიშ მაართა ტურნექ 2009 წანაშ 12 მარტის ქუდიჭყუ დო კრიტიკოსეფიშ დიდი გიმოხონარაფა გჷშეჭანუ.
[რედაქტირაფა] დისკოგრაფია
- The Fame (2008)
- The Fame Monster (2009)
- Born This Way (2011)
[რედაქტირაფა] ოკონცერტე ტურეფი
- The Fame Ball Tour (2009)
- Fame Kills: Starring Kanye West and Lady Gaga (2009–10) (გეუქვუ)
- The Monster Ball Tour (2009–2011)
