ლუარსაბ იაშვილი

ვიკიპედიაშე

ლუარსაბ სეითიშ სქი იაშვილი (დ. 31 მელახი, 1907, ქართი), ქორთუ მევიოლინე დო ალტისტი, პედაგოგი, საქორთუოშ ხელუანობაშ დონინალაფირი მოქარანე (1961), ქართიშ სახენწჷფო კონსერვატორიაშ პროფესორი (1947-შე).

ბიოგრაფია[რედაქტირაფა | წყუშ რედაქტირაფა]

1931 წანას გაათუ ქართიშ კონსერვატორია (პროფ. ვილშუაშ ოვიოლინე კლასი), 1932 წანაშე გურაფულენდ ლენინგრადიშ კონსერვატორიაშ ასპირანტურას (ალტიშ კლასი, ხემანჯღვერი პროფ. სოსინი). 1925-1928 წანეფც მითმიოგანდ "ახალმორდუ ქორთუ მუსიკოსეფიშ ჯარალუაშ" ორკესტრია, საოპერო სტუდიაა დო რუსთაველიშ თეატრიშ ორკესტრის. 1928-1945 წანეფც რდჷ საქორთუოშ მაართა სახენწჷფო კვარტეტიშ აკოდგინალუას (ალტი). მუჭოთ სოლისტი დო კონცერმაისტერი სისტემატურო გჷშმეშჷ საქორთუოშ ფილარმონიას დო რადიოშ ორკესტრის. 1935 წანაშე მეთხოზუდ პედაგოგიურ ქარანუას ქართიშ კონსერვატორიას დო ცენტრალურ ომუსიკე ვითწანონს. 1935 წანას კონსერვატორიას დაარსხუ სპეციალობა ალტიშ კლასი. თიში ნაწაფეეფი რენა: ი. ლეუსი, ს. აინშტაინი, პ. შავერდიანი, გ. მელიქიშვილი, მუში ოსურსქუალეფი - მარინე, ირინე დო ნანა იაშვილეფი; ალტისტი ა. ბეჰალიშვილი დო შხვა. 1967-1974 წანეფც იაშვილი მელინაფილი რდჷ ეგვიპტეშა ქ. კაიროშ კონსერვატორიას პედაგოგო. დაჯილდოებულიე "საპატიო შინიშ" ორდენით.

ლიტერატურა[რედაქტირაფა | წყუშ რედაქტირაფა]

  • გედევანიშვილი მ., ქსე, ტ. 5, გვ. 65, თბ., 1980