ლუბლინიშ უნია

ვიკიპედია ხასჷლაშე
გეგნორთი: ნავიგაცია, გორუა
ლუბლინიშ უნია 1569

ლუბლინიშ უნია 1569 — აპიჯაფა პოლონეთი დო ლიტვაშ დიდი ოთარეშ ართი სახენწჷფოთ, რეჩ პოსპოლიტათ (Rzeczpospolita, ზიტყვა ზიტყვაშა — რესპუბლიკა), გოართოიანაფაშ გეშა. უნიაშ ოკითხუშ სხუნუაქ დიჭყჷ 1569 წანას ლუბლინს პოლონეთიშ დო ლიტვაშ ფეოდალეფიშ ოართე სეიმს. ხე მაჭარეს 28 მანგის, 1 კვირკვეს დანტკიცეს პოლონეთიშ დო ლიტვაშ სეიმიშ დეპუტატეფქ ზოხო-ზოხო. ლუბლინიშ უნიათ პოლონეთი დო ლიტვას ოკო ჸოფედუკო ართინერი სახენწჷფო წესდონწყილობა, ართოიანი ფარაშ სისტემა, ოართე სეიმი. სახენწჷფოშ ოდუდეს იჸუაფუდჷ მაფა, ნამუსჷთ ართპიჯო გეგშაგორუნდეს ჟირხოლო ქიანაშ ფეოდალეფი. ლუბლინიშ უნიაქ დადასურჷ ლიტვაშ დიდი ოთარეშ ტერიტორიაშ ნორთიშ პოლონეთიშ ომაფეწკჷმა აკოართაფა; ლივონია მირჩქინუაფუდჷ ოართე ღალათ, ართიანშქას იუქვებუდჷ ბაჟეფი; რეჩ პოსპოლიტა ართოიან სახენწჷფოთ გჷშემეშჷ ინტერნაციონალურ ასპარეზისჷთ. თეშ უმკუჯინუო, ლიტვაშ სახენწჷფობური ზოხოიანობა ედომუშამო ვადინუდჷ: ასქილიდაფირქ იჸუ გჷშაკერძაფილ კანონდვალაქ, სასამართლოქ, დორხველ უმაღალაში ადმინისტრაციული თანამდებობეფქ, ხაზინაქ, ჯარქ. XVII-XVIII ოშწანურას განწხანც სახენწჷფობურობაშ თე ელემენტეფი ჭიეჭიეთ იუქვებუდჷ, ოდო 1791 წანაშ 3 მესის კონსტიტუციაქ ფაქტობურო გაუქვჷ ლიტვაშ სახენწჷფობურობაშ ნოსქილედეფი.

რესურსეფი ინტერნეტის[რედაქტირაფა]