მაართა მოსოფელიშ ლჷმა

მაართა საგებიო ლჷმაშ (1914-1918), ჩინებური მუჭოთ „არძა ლჷმაშ თებაშ ლჷმა, რდჷ ართ-ართი არძაშ უმოს კაბეტმასშტაბამი ლჷმა საგებიოშ ისტორიას (მაჟირა საგებიო ლჷმაშახ), ნამუქჷთ მეხოლაფირო 9 მილიონი კოჩიშ შურუ ქეკიდინუ. მოკავშირე ქიანეფქ, ბრიტანეთიშ, საფრანგეთიშ, რუსეთიშ, იტალიაშ დო ამერიკაშ აკოშქუმალირი შტატეფიშ დუდობათ დამარცხეს ცენტრალური ნძალეფი გერმანიაშ იმპერიაშ, ავსტრო-უნგრეთიშ დო ოსმალეთიშ იმპერიეფი. ლჷმეფიშ უმეტაშ თია მიშჷ ბჟადაალიშ ფრონტიშ მანგის ოორუე ზუღაშე შვეიცარიაშ ომძღოშახ. ლჷმეფუ მიშუ მუჭო ზუღას, ზუღაშ თუდო დო მაართათ ისტორიას-ჰაერს. ლჷმას მაჸუნჷ ოთხუ იმპერიაშ ფაჩუაქ: ავსტრო-უნგრეთიშ, გერმანიაშ, ოსმალეთიშ დო რუსეთიშ. გერმანიაქ მიოდიონუ ზუღაშ იშოიანი იმპერია დო ქჷდირსხუ ახალი ქიანეფქ- ჩეხოსლოვაკიაქ, პოლონეთიქ დო იუგოსლავიაქ. თე ლჷმას მაჸუნჷ მოღალირო მაჟირა საგებიო ლჷმაქ 20 წანაშ უკული.

ევროპაშ პოლიტიკური დგომარება XX ოშწანურაშ დაჭყაფუს

XX ოშწანურაშ დაჭყაფუს ევროპა რდჷ საგებიოშ პოლიტიკური შქაგური, ელახშე რდჷ რუსეთიშ იმპერია, ბჟადაალშე ავსტრო-უნგრეთი დო საფრანგეთწკჷმა ლჷმას გომორძგვილი გერმანია. გერმანიას ოკოდჷ მარდუ ამბიციეფიშ დობაღინაფა, საფრანგეთის ოკოდჷ ელზასიშ დო ლოტარინგიაშ დორთინაფა. ევროპაშ არძაშე ნძალიერი ქიანათ ბრიტანეთი სქჷდუდ. ბრიტანელეფს ჸუნდეს არძაშ უჯგუშ ფლოტი საგებიოს. ევროპაშ გალე რდჷ ჟირი ნძალიერი ქიანა, ამერიკაშ აკოშქუმალირი შტატეფი დო იაპონია. ეკონია წანეფს ააშ-შ ეკონომიკაქ ოგჷნაფალო წჷმე მიდართ. იაპონია, ნამუთ XIX ოშწანურაშ შქა პერიოდშა ინოკილერო რდჷ, ასე ოცადჷდ ქიგეჭიშაფუდჷკო ბჟადაალ ევროპას ტექნოლოგიური გოვითარაფათ.

გერმანიას XX ოშწანურაშ დაჭყაფუს ოკოდ შხვა ქიანეფცალო ქაშუოთამუდჷკო ხეშა კოლონიეფი აფრიკას დო აზიას. კანკალე კოლონიალური კონფლიქტეფს გერმანია ოხვარჷდ ინგლისიშ დო საფრანგეთიშ კოლონიეფიშ არყებული ნაციეფს.

თე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გოფაჩათ.