მაგასი

მაგასი (რუსულო Мага́с), ინგუშეთიშ რესპუბლიკაშ (რუსეთიშ ფედერაცია) ნანანოღა. იდვალუაფუ სუნჟას, ნოღა ნაზრანიშ ობჟათეს 4 კმ-შა. მაგასი რუსეთიშ არძაშ უმოს ჭიჭე ნოღა რე; თიში მახორობა 300 კაჩის ვეიოჩირთუ.

ნოღა 1995 წანას რესპუბლიკაშ თიბორჯიშ პრეზიდენტიშ რუსლან აუშევიშ ინიციატივათ დირცხუ მუჭოთ ინგუშეთიშ მუმალუ ნანანოღაქ. ჯოხობუ გეიშიგორუ ალანიაშ შქა ოშწანურეფიშ ცენტრიშ ეკოჯინათ, ნამუთ, ართ ვერსიათ, ალმაბორჯუე ინგუშეთიშ ტერიტორიას იდვალუაფუდუ. 2002 წანაშ ქირსეთუთაშო მაგასიშ ახალეგაფილ დიდარულ შენობეფს ნაზრანიშე გინითირუ პრეზიდენტიშ დო თარობაშ რეზიდენციეფქ. ნოღას აინალუ რკინაშარაშ სადგური დო აეროპორტი; თაქ გოურს ფედერალური მენორსიშ ავტომაგისტრალი „კავკაცია“.

რესურსეფი ინტერნეტის

• ნოღაშ ოფიციალური საიტი
• Народная энциклопедия городов и регионов России «Мой Город»/Магас
• Магас — «Город Солнца» — новая столица Ингушетии