მათხილე (კუჩხბურთი)

ვიკიპედიაშე

ცენტარალური მათხილე[რედაქტირაფა | წყუშ რედაქტირაფა]

ცენტრალური მათხილეეფი

ცენტრალური მათხილე - ვარა CB ვარა Central Back რე პოზიცია კუჩხბურთის. თინა თხილანს მუში კარს შხვა მათხილეეფწკჷმა დო მეკარეწკჷმა ართო. უმენტაშო ცენტრალური მათხილეეფი ვა გჷშმეგორუნა გოლიშ მითოღალათ, თინეფიშ ღანკი რე აკაჩემან მონირზეშ გემანთხაფალი დო ხე დუნჩალან მენწყვის გოლიშ მითოღალას. ცენტრალური მათხილე მაღალი ქორენ-და თინა შხირას ინმურს მონირზეშ საჯარმოშა სტანდარტეფიშ ბორჯის დო ოცადჷ გოლიშ მითოღალას.

ფლანგური მათხილეეფი[რედაქტირაფა | წყუშ რედაქტირაფა]

მარძგვანი მათხილე[რედაქტირაფა | წყუშ რედაქტირაფა]

ფლანგური მათხილეეფი

მარძგვანი მათხილე - ვარა RB ვარა Right Back რე პოზიცია კუჩხბურთის. თინა თხილანს მუში კარს შხვა მათხილეეფწკჷმა დო მეკარეწკჷმა ართო. მუჭოთ წესინ, მარძგვანი მათხილეშ მუდანობა მოედანს ართი რე. უმენტაშო მარძგვანი მათხილე ვა გჷშმეგორუ გოლიშ მითოღალათ. თიშ ღანკი რე აკაჩემას მონირზეშ მობურთე, ნამუთ გეჯანჷ მარძგვანი ფლანგიშენ დო ხე აკუნჩალას თის გოლიშ მითოღალას. მარძგვანი მათხილე შხირას გეჯანჷ ფლანგიშე დო თაშნეშე ახორციელენს გეშქუმალეფს შორშე. მარძგვანი მათხილეეფიშ უმენტაშობა ოშქაშე სიმაღალაშ რე. ათეშენ თინეფი სტანდარტეფიშ ბორჯის უკოხოლე სქიდუნა. თინეფი ვა რენა გეგაფილი გოლეფიშ შხირას მითოღალას.

კვარჩხანი მათხილე[რედაქტირაფა | წყუშ რედაქტირაფა]

კვარჩხანი მათხილე - ვარა LB ვარა Left Back რე პოზიცია კუჩხბურთის. თინა თხილანს მუში კარს შხვა მათხილეეფწკჷმა დო მეკარეწკჷმა ართო. მუჭოთ წესინ კვარჩხანი მათხილეშ მუდანობა მოედანს ართი რე. უმენტაშო კვარჩხანი მათხილე ვა გჷშმეგორუ გოლიშ მითოღალათ, თინეფიშ ღანკი რე აკაჩემან მონირზეშ მობურთე, ნამუთ მიანტებუ კვარჩხანი ფლანგიშენ დო ხე აკუნჩალას თის გოლიშ მითოღალასჷნ. კვარჩხანი მათხილე შხირას გეჯანჷ ფლანგიშე დო თაშნეშე ახორციელენს გეშქუმალეფს შორშე. კვარჩხანი მათხილეეფიშ უმენტაშობა ოშქაშე სიმაღალაშ რე, ათეშენ თინეფი სტანდარტეფიშ ბორჯის უკოხოლე სქიდუნა. თინეფი ვა რენა გეგაფილი გოლეფიშ შხირას მითოღალას.

ქოძირით თაშნეშე[რედაქტირაფა | წყუშ რედაქტირაფა]