მაილს დევისი

ვიკიპედია ხასჷლაშე
გეგნორთი: ნავიგაცია, გორუა
მაილს დევისი
Miles Davis by Palumbo.jpg
ბიოგრაფია
თახმი ჯოხო მაილს დიუი დევის III
დებადჷ 26 მესი, 1926 (1926-05-26) (ხანი 88)
დაბადებაშ აბანი ოლტონი, ილინოისი, ააშ
ღურჷ ეკენია 28, 1991 (65 წანერი)
ღურაშ აბანი სანტა-მონიკა, კალიფორნია, ააშ
ჟანრ(ეფ)ი ჯაზი, ჰარდ ბოპი, ბიბოპი, ქულ ჯაზი, მოდალ ჯაზი, ჯაზ ფიუჟენი, მასუმა რეღმა, ჯაფ-ფანკი, ჯაზ-რეპი[1][2]
საქვარუა ბენდიშ ხემანჯღვერი, კომპოზიტორი, მეზორიე, მარსულებერი
აქტიური 1944–1975, 1980–1991
ლეიბლ(ეფ)ი Capitol Jazz/EMI, Columbia/CBS, Warner Bros. Dial Records
ასოციაციეფი ბილი ეკსტაინი, ჩარლი პარკერი, მაილს დევისიშ კვინტეტი, გილ ევანსი
ვებ-ხასჷლა ოფიციალური ვებ-ხასჷლა

მაილს დევისი (რსული ჯოხო: მაილს დიუი დევის III, ინგ. Miles Dewey Davis III) (26 მესი, 1926 - 28 ეკენია, 1991) – მა-20 ოშწანურაშ ართ-ართი არძოშე გოლინუანი დო ინოვატორი მუსიკოსი.

ოჸეს მარსულებერი, ბენდიშ ლიდერი დო კომპოზიტორი, დევისი ფორფოსტი რდჷ დახე ირი გურგაჩამალი ჸოფირებაშ ჯაზიშ ისტორიას მაჟირა მოსოფელიშ ლჷმაშ უკული. თიქ არსულჷ ნამთინე გურგაჩამალი ორდოშიანი ბიბოპ სტილიშ კომპოზიციეფი დო გჷშაშქჷ ქულ-ჯაზიშ მაართა ინნაჭარეფი. თინა მოდალური ჯაზიშ ფალუაშ ართ-ართი შურიშინმადგუმალი რე, ოდო ჯაზ-როკიქ თიში ნახანდეფშე გორჩქინდჷ შხვა მუსიკოსეფწკჷმა ართო გვიანიშ 1960-იან დო ორდოშიან 1970-იანეფს.

დუდიშული ჯაზი რდჷ აკა ლჷმაშუკულიანი სტილი, ნამუშათ დევისის გურგაჩამალი გოლინა ვა მუხვამილუაფუნ, მორო ნამთინე მუსიკოსი თიში ბენდეფშე მოგვიანაფილო თე გეზას მეჸუნს. თიში ინნაჭარეფი, მუში მიარერიცხუამი ბენდეფწკჷმა ცოცხალ რსულებეფწკჷმა ართო, გჷნმაჭყვიდირალი რდჷ ჯაზიშ, მუჭოთ მუსიკალური ხელუანობაშ ჟანრიშ, დოკვირდაფას. ჯაზიშ პოპულარიზატორქ დო ინოვატორქ, დევისიქ ჯოხო გიჸოთჷ წყჷნარი, მელოდიური სტილით დო ლაკონური, ბორჯგიშაშქუმალირი კონფრონტაციულობათ. მუჭოთ მაღალ ხეშფარამი დო ირო გემოანობათ მუკოქუნელი ჯაზიშ მუსიკოსინ, დევისი თაშნეშე ჯაზიშ მუსიკაშ კომერციული პოტენციალიშ სიმბოლო რდჷ.

რესურსეფი ინტერნეტის[რედაქტირაფა]

Commons-logo.svg
ვიკიოწკარუეს? რე ხასჷლა თემაშენ:

სქოლიო[რედაქტირაფა]

  1. Fadoir, Nick, "Jazz and Hip Hop: You Know, for Kids", The Big Green, Michigan State University, October 15, 2009.
  2. Considine, J.D., "Jazz And Rap A Jarring Mix", The Baltimore Sun, July 6, 1992