მარტვილი

ჭყონდიდიშ ოხვამე.

მარტვილი (ქორთულო მარტვილი) — ნოღა საქორთუოს, სამარგალო-ჟინი შონეშ რეგიონის, მარტვილიშ მუნიციპალიტეტიშ ადმინისტრაციული ცენტრი. გეგაფილი რე ოდიშიშ ზენს, ინჩხია-ღალიშ კვარჩხანი პიჯის. ზუღაშ ეშე 170 მ. 1936 წანას გიოდვეს გეგეჭკორი (რევოლუციონერი საშა გეგეჭკორიშ) ჯოხობუშ მაშინალო, ნამუთ 1990 წანაშახ ჯოხოდუნ. 6,700 მახორუ (2006 წ.; 99.5 % ქორთუ). ზუგიდიშახ მეუძუ 80 კმ ქართიშახ – 279 კმ უხოლაში ონიშოლი – ფუთი (70 კმ), უხოლაში რკინაშარაშ გიოდგინუ – აბაშა (33 კმ), უხოლაში აეროპორტი – კოპიტნარი (ქუთეში; 40 კმ).

ნოღა მარტვილიშ ჯოხოდვალიროთ მაართათ მოშინელი რე XVII ოშწანურაშ 40-ამ წანეფშენ. მუში ჯვეში კოლხური ჯოხობუ რე ჭყონდიდი, ნამუთ მოურს ნოღაშ გოხოლუა სუკის, I ო.-ს ქირსეშ მოჩქვაფილი ანდრია პირველწოდებულიშ ხეთ ჭყონიშ ჯალეფით ეგაფილი ოხვამეშენინ, სოდეთ ამდღანერი მარტვილიშ მონასტერი რენ. ეიშახ ექ გინოდგვე კაპუნია. ამდღანერი ოხვამე დოკიდილი რე VII ოშწანურაშ I გვერდის, მარტვილეფიშ (ბერძნულოთ: წამებური) ჯოხონობაშა. IX-X ოშწანურეფს ქიდარცხუეს ჭყონდიდიშ ეპარქია, კათედრალით მარტვილს. X ოშწანურას აფხაზეთიშ მაფა გიორგი II-ქ ოხვამე გაახალუ: ქოგეუძინეს გალენი კიდალეფი დო ახალაშოთ დოკიდეს გუმბათიშ ჸალი ხოლო. ირიშენ ჩინებური ჭყონდიდური ეპისკოპოსი რდუ გიორგი ჭყონდიდელ-მწიგნობართუხუცესი (XI-XII ოო.).

ამდღა მარტვილი ჭყონდიდიშ ეპარქიაშ ცენტრი დო მიტროპოლიტიშ რეზიდენცია რე.

თე სტატია მერკე რე. თქვა შეილებუნა ქიმეხვარათ ვიკიპედიას დო გაგშათინათ დო გოფაჩათ.