მახვენჯი ხოჯი

ვიკიპედიაშე
მახვენჯი ხოჯი

მახვენჯი ხოჯი (დებადჷ მეხოლაფირო 1831 — ჸვილეს 1890 წანაშ 15 ქირსეთუთას) — ინდიარეფიშ ართ ტომიშ ხუნკპაპა-სიუშ უნჩაში. თე ჯოხო მუშ ოდაბადურ ნინაშე, ლაკოტაშე ითანგუ, მუჭო ტატანკა იიოტაკე.

მახვენჯი ხოჯი დუდენდჷ ინდიარეფს, ნამუეფსუთ ვაკოდეს გინოხორაფა რეზერვაციაშა. 1876 წანაშ 25 მანგის ინდიარ კათეფიშ, სიუშ დო შაინეფიშ აკოართაფილ ძალეფქ მახვენჯი ხოჯიშ უნჩაშალათ ლიტტლ-ბიკხორნწკჷმა ლჷმას აკარღვეს დო დამარცხეს გენერალ კასტერიშ კავალერია. ენა არძაშ უმოს ნიშულამ გომორძგუა რდჷ ინდიარ კათეფიშ ლჷმას მუნეფიშ ტერიტორიეფიშ გურშენი.

გოლინამი უნჩაში დო რელიგიური ლიდერი რდჷ ხუნკპაპა-სიუშ. მახვენჯი ხოჯის ბრელ მიმათხოზინე ჸუნდუ ლაკოტაშ არძა ტომს, უჩქუდეს მუჭო კონწარი მოვარიე რდჷ რეზერვაციაშა გინიხორაფაში დო უხუჯური აპიჯაფეფიშ ხეშმოჭარაში. 1863 წანას იბურჯანდჷ ამერიკაშ არმიაშ მეხჷ. ინდიარეფიშ აკოართაფილ ბანაკის, ნამუეფქჷთ გიმორძგვეს ჯარიშკოჩეფწკჷმა როუზბად დო ლიტტლ-ბიკხორნწკჷმა 1876 წანას დირინუ დიდ მადუდეთ. გენერალ კასტერიშ არმიაშ დამარცხებაშ უკული, არმიაქ ნანდულ ჯინორუა (ნადირობა) ქიდიჭყჷ არყებულ ინდიარეფშე. დიდ ბანაკიქ შხვადოშხვა ბუნეფო აკიფაჩჷ, ნამუეფით ოცადჷდეს ქაწურინალუდესკონ არმიაშა. მახვენჯი ხოჯიშ ბუნაქ კანადაშა მიდართჷ, მარა 1881 წანას მუნეფქ აძვილებურქ იჸუეს დოჸუნაფუდესკონ ამერიკაშ თარობას. მახვენჯი ხოჯი ფორტ რანდელიშ ჯიხას ქჷდახუნეს. გოტებაშ უკული, 1883 წანას აქტიურო აწმუდირთუდჷ რეზერვაციურ დიხეფიშ გჷმოჩამას. 1890 წანას, მუჟამს სიუშ ტომიშ შქას გიფაჩჷ ართ მესიანურ კულტიქ, დო სიტუაციაქ გაგშართჷ კონტროლშე, გინოჭყვიდილქ იჸუ თარობაშე, უჭოფუდესკო თე კულტიშ აგრესიულ ლიდერეფი დო მაართა რანწკის მახვენჯი ხოჯი. ინა ვარდ თე კულტიშ მიმათხოზინე, მარა ჩე კათას გლახა თოლით უჯინედ დო ოკოდუ თინეფ გურაჸუდუკო. მუჟამს მახვენჯი ხოჯის ჭოფუნდესჷნ, ჸოთამაშ ბორჯის, იქ ჸვილირქ იჸუ ინდიარეფიშ პოლიციაშ სერჟანტიშე — ჭითა ტამაგავკაშე.


wikistub ათე სტატია მერკე რე.
თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ.