მაჰარაშტრა

ვიკიპედიაშე
მაჰარაშტრა
მარათჰ. महाराष्ट्र
ინგლ. Maharashtra
ქიანა ინდოეთიშ შილა ინდოეთი
სტატუსი შტატი
ადმინ. ცენტრი მუმბაი
შხუ ნოღა მუმბაი
შხუ ნოღეფი პუნა, ნაგპური, სოლაპური
მადუდე გუბერნატორი:
ვიდიასაგარ რაო
თარი მინისტრი:
პრიტჰვირაჯ ჩავანი
ოფიც. ნინეფი მარათჰი, ინგლისური
მახორობა (2011)
112 372 972 (2-ა აბანი)
მეჭედალა 365,19 კოჩი/კმ²
ფართობი 307 713 კმ² (3-ა აბანი)
მაჰარაშტრა რუკას
ბორჯიშ ორტყაფუ UTC+5:30
აბრევიატურა IN-MH
კოდი ISO 3166-2 IN-MH
ოფიციალური ვებ-ხასჷლა

მაჰარაშტრა (მარათჰ. महाराष्ट्र, ინგლ. Maharashtra) — შტატი ინდოეთიშ ცენტრალურ ნორთის. მახორობა 112 372 972 ადამიერი (2011). შტატიშ ნანანოღა დო უკაბეტაში ნოღა — მუმბაი (კინოხ ჯოხოდჷ ბომბეი), არძაშე უმოსო გოფაჩილი ნინეფი რე — მარათჰი დო ინგლისური. ქიანაშ მაჟირა არძაშე დოხორელი შტატი დო ინდოეთიშ სიკაბეტეთ მასუმა შტატი ფართობიშ მეჯინათ.

შტატიშ ჯოხოდვალა მოურს სანსკრიტიშე, ზიტყვეფშე Maha (კაბეტი) დო Rashtra (ქიანა), თაურეშე მაჰარაშტრა შილებე გჷნითანგას მუჭოთ "კაბეტი ქიანა".

გეოგრაფია[რედაქტირაფა | წყუშ რედაქტირაფა]

წყარმალუეფიშ მულა დო მუტჰაშ აკაკათაფუ, ნოღა პუნა

შტატიშ ფართობი აკმადგინანს 307 713 კმ². მაჰარაშტრა უხურგანს გეჸვენჯ შტატეფს: გუჯარათი, მადჰია-პრადეში, ჩატისგარჰი, ტელანგანა, კარნატაკა დო გოა, ობჟათეშე ომძღჷ - არაბეთიშ ზუღა. მაჰარაშტრაშ დო გუჯარათიშ შტატეფს შქას იდვალუაფუ მორსხუე ტერიტორია დადრა დო ნაგარ-ჰაველი. ბჟადალი გჰატი, შტატიშ ოორუეშე ობჟათეშა წყარპიჯის მანგას გოჸუნს დო ოშქაშე სიმაღალეშა 1200 მეტრაშახ ონჭუ. შტატიშ უმაღალაში კონკა — პიკი კალსუბაი (1646 მ), იდვალუაფუ აჰმედნაგარიშ ოლქის, ნოღა ნაშიკიშ არხოს. ბჟადალი გჰატიშ ბჯადალშე იდვალუაფუ კონკანიშ წყარპიჯიშ რზენი, 50 — 80 კმ. ფართობით. გჰატიშ ბჟაეიოლშე იდვალუაფუ დეკანიშ გაბარი.

მაჰარაშტრაშ კლიმატი — ტროპიკული მუსონეფი, მელახშე მანგიშ დაჭყაფუშა ჩხე ზარხულით დო მანგიშე გჷმათუთაშა მუსონიშ სეზონით. ნოლექეფიშ უდიდაში მუდანობა გჷნმურს გჰატიშ ბჟადალ ლაკადეფს დო წყარპიჯიშ რზენს. შტატიშ დინოხოლენი რაიონეფიშ პლატოშ კლიმატი უმოსო სქირე რე. მაჰარაშტრაშ ტერიტორიაშ დოხოლაფირო 17% ტყალონას უკებჷ (უმენტაშო გჰატიშ ლაკადეფი დო შტატიშ ბჟაეიოლი ნორთი). გჰატიშ ბჟაეიოლ ლაკადეფს, ნადუს იკეთენა თიჯგურა შხუ ინდური წყარმალუეფი, მუჭომეფითიე კრიშნა დო გოდავარი, ნამუთ დინმახჷრჩანა ბენგალიშ ჸუჯიშა. გჰატიშ ბჟადალი ლაკადაშ ანდა მორჩილი წყარმალუ, არაბეთიშ ზუღაშა დინმახჷრჩანა. წყარმალუეფიშ ანდანერალაშ უმკუჯინალო, შტატიშ ანდა ხორუა (გჷშაკერძაფილო შტატიშ დინოხოლენ აკანეფს) ოშუმალი წყარიშ ვაბაღებას წისაფენს. შტატის, შანულამი ფართობიშ გოწვანაფილი დიხა იდვალუაფუ.

ინდოეთიშ 92 ნაციონალური პარკიშე, 5 - მაჰარაშტრაშ შტატის იდვალუაფუ, თეშ მოხ თაქ იდვალუაფუ 35 ტყაჩირი. მახორობაშ იროიანი ძინაშ გეშა, ეკონია ვითწანურაშ გოძვენას, იხორციალებუაფუ შტატიშ ტყალონაშ შხუმასშტაბიანი გჷშაკვათუა.

ადმინისრტაციულ-ტერიტორიული დორთუალა[რედაქტირაფა | წყუშ რედაქტირაფა]

მაჰარაშტრაშ ოლქეფი

შტატშა მიშმურს 35 ოლქი:


რესურსეფი ინტერნეტის[რედაქტირაფა | წყუშ რედაქტირაფა]