მერაბ კოსტავა

ვიკიპედია ხასჷლაშე
გეგნორთი: ნავიგაცია, გორუა
მერაბ კოსტავა

მერაბ კოსტავა (დ. 26 მესი, 1939, ქართი ― ღ. 13 გჷმათუთა, 1989), ქორთუ დისიდენტი, მუსიკაშმარჩქინე, პოეტი, ოჯარალუ მოღალე. საქორთუოშ ერუანული-გჷმადუდიშულაფარი ყარაფიშ ლიდერი.

ბიოგრაფია[რედაქტირაფა]

მერაბ კოსტავაქ დებადჷ ოლღა დემურიაშ დო ივანე კოსტავაშ ფანიას. ბაბუ - ვლადიმერ დემურია ჩინებული ოჯარალუ მოქარანე დო მაგურაფალი რდჷ. მერაბშე დიდი გოლინა იღვენუ ჯიმადიქ - ჩინებულ არტისტიქ დო პოლიტპატიმარქ გრიგოლ კოსტავამ.

1946 წანას მერაბ კოსტავა გემშეჸონეს ქართიშ ქომოლეფიშ მაართა სკოლაშა (ამდღარი ქართიშ კლასიკური გიმნაზია). მუ მეტო ნიჭიერი დო ბეჯითი მოწაფე რდჷ. თე სკოლას გეჩინებაფეს ართიანი ზვიად გამსახურდიაქ დო მერაბ კოსტავაქ. თაქ გინოჭყვიდეს, ულჷმუდესკო ოდაბადეშ დუდიშალაშო. მაჸალეეფიშ დო მუნეფიშ წორომოარზეეფიშ ზნეობურ ფორმირაფაშე დიდი გოლინა იღვენუ კლასიკოსიქ კონსტანტინე გამსახურდიაქ.

მერაბ კოსტავა - მუსიკალური ნიჭით დაჯილდოებული ვეწებოში - გურაფას იჭყანს ზაქარია ფალიაშვილიშ ჯოხონობაშ მუსიკალურ ვითწანურს, ნამუსუთ ათენს 1958 წანას დო გურაფას აგინძორენს ქართიშ ვანო სარაჯიშვილიშ ჯოხონობაშ კონსერვატორიას. კონსერვატორიაშ თებაშ უკული მუშენს მუსიკაშ მაგურაფალო. რდჷ ჟურნალიშ „ქართული ენა ლიტერატურა სკოლაში“ რედაქტორი.

საქორთუოშ ზოხორინალაშომალიმარი მერაბ კოსტავა ბრელშა რდჷ რეპრესირაფილი, დოპატიმარაფილი, გინოხორაფილი სხუნეფიშ რეჟიმშე. ბოლოს 1987 წანას დირთჷ გინოხორინშე დო ზვიად გამსახურდიაწკჷმა ართო კინე გაგინძორჷ ბურჯაფი (ბრძოლა) ოდაბადეშ ზოხორინალაშო. 1989 წანაშ 13 გჷმათუთას მუქ ოეჭვებელ ვითარაფას საეჭვო ვითარებას დიღუპუ.

მერაბ კოსტავა ჭარჷნდჷ ლერსეფს, ფილოსოფიურ, თეატრალურ, ლიტერატურულ ესსეეფს. თარგმუნდუ ჩინებული ჭარუეფიშ ფილოსოფიურ ნაწარმებეფს. ლიტერატურული მოღალობაშე მენიჭაფილი აფუ ჟირი პრემია - დავით აღმაშენებელიშ დო ჭარუეფიშ რსხუშ.

დასაფულებური რე მთაწმინდაშ ჭარუეფიშ დო ოჯარალუ მოღალეეფიშ პანთეონს.

რესურსეფი ინტერნეტის[რედაქტირაფა]