ნატო (ოორუე ატლანტიკური აპიჯაფაშ ორგანიზაცია)

ოორუე ატლანტიკური აპიჯაფაშ ორგანიზაცია North Atlantic Treaty Organisation

დორცხუაფაშ თარიღი:	4 პირელი, 1949
ტიპი	სამხერდო ალიანსი
დუდი ოფისი	ბრიუსელი, ბელგია
მაკათურეფი	ოხვილუ თარგის (template needed)
ოფიციალური ნინეფი	ინგლისური, ფრანგული
გენერალური მდივანი	ანდერს ფოგ რასმუსენი
სამხედრო კომიტეტიშ დუდმახვენჯი	ჯამპაოლო დი პაოლა
ვებ-საიტი	http://www.nato.int

ოორუე ატლანტიკური აპიჯაფაშ ორგანიზაცია, ნატო (ინგ. North Atlantic Treaty Organisation, NATO; ფრანგ. Organisation du traité de l'Atlantique Nord, OTAN), სამხედრო მერსიქ დირსხუ 1949 წანაშ 4 პირელს ვაშინგტონს, ნამუშ დჷმარცხუაფალო იკოროცხუნა ააშ,დიდი ბრიტანეთი, საფრანგეთი, ბელგია, ნიდერლანდეფი, ლუქსემბურგი, კანადა, იტალია, პორტუგალია, ნორვეგია, დანია, ისლანდია. ალიანსიშ თარი ღანკი რდჷ სხუნუეფიშ მერსიშე მუმალი საფრთხეშ განეიტრალება ართამი ნძალეფით. მოგვიანაფილო, ალიანსშა 1952 წანას ქიმიღეს საბერძნეთი დო თურქეთი.

1955 წანას თინეფს ქაკათჷ გერმანიაშ ფედერაციულ რესპუბლიკაქ. 1982 წანას ალიანსშა ქიმიღეს ესპანეთი. 1991 წანას, სხუნუეფიშ ფაჩუაშ უკული, ნატოქ პრაქტიკულო უფუნქციე ორგანიზაციათ გინირთჷ, მარა თე ორგანიზაციაქ ფაჩუაშ მანგიორო 1999 წანას ახალი მაკათურეფი - ჩეხეთი, პოლონეთი დო უნგრეთი ქიგიძინჷ. 1999 წანას ააშ-შ დუდობათ ალიანსიქ ოჰაერე რალაფი ქიმიღჷ იუგოსლავიაშ ნანანოღა ბელგრადშა.

2004 წანას ალიანსიშა ქიმიღეს ახალი მაკათურეფი: ესტონეთი, ლატვია, ლიტვა, რუმინეთი, სლოვაკეთი, სლოვენია დო ბულგარეთი. რუსეთიშ დიდი წინანდეგობაშ უმკუჯინუო, ნატოს კინე ულამუ მუში რანწკეფიშ გოფართინაფა.

ორგანიზაციაშ შტაბ-ბინა იდვალუაფუ ბელგიაშ ნანანოღა ბრიუსელს. 2009 წანაშე ალიანსიშ რსულალობამი მაკათურეფი რენა ალბანეთი დო ხორვატია.