ნიკოლაი ბერდიაევი

ნიკოლაი ალექსიშ სქი ბერდიაევი

ნიკოლაი ალექსიშ სქი ბერდიაევი (რუსულო: Никола́й Алекса́ндрович Бердя́ев) (დ. 18 მელახი, 1874 წ. - ღ. 24 მელახი, 1948) რდჷ რუსი რელიგიური დო პოლიტიკური ფილოსოფოსი.

ბიოგრაფია

ახალობა დო განათლება

ბერდიაევქ დებადჷ კიევს მალიმარიშ არისტოკრატიული ფანიას. ბერდიაევქ ბაღანობა ხვალე გატარჷ ჸუდეს. ჸუდეს, მუშ მუმაშ დიდ ბიბლიოთეკაქ ბერდიაევს მეჩჷ თიშ მეშქაშალა, ნამდა ბრელი უკითხირუდკუონი. თიქ იკითხჷ ჰეგელი, შოპენჰაუერი, დო კანტი მუჟამსჷთ თინა რდჷ ხვალე 14 წანერი. ჰალა-ჰალას გურაფულენდჷ ნინეფს.

რევოლუციური აქტივობეფი

ბერდიაევქ გინოჭყვიდჷ მეჸუნაფუდუკო ინტელექტუალურ კარიერასჷნ დო 1894 წანას გემშართჷ კიევიშ უნივერსიტეტიშა. თენა რდჷ სტუდენტეფს დო ინტელიგენციას შქას რევოლუციური განწყობეფიშ ფუნაშ ბორჯი. ბერდიაევქ გინირთჷ მარქსისტო დო 1898 წანას რდჷ დოღინჩილი სტუდენტური დემონსტრაციაშა კათინიშ გეშა დო იჸუ უნივერსიტეტიშე გჷშარიცხილქ. უმოს გვიანო, უკანონე აქტივობეფიშ კათინიშ გურშენი ბერდიაევი გინახორეს სუმ წანათ ცენტრალური რუსეთიშა; თენა რდჷ ლჷბუ სარჯელი რევოლუციური აქტივობეფიშენ თი ბორჯიშ შხვა სარჯელეფშა მეზიმაფილო.

ნიკოლაი ბერდიაევი მარია სტობცევაწკუმა

1904 წანას ბერდიაევქ ჩილო მიჸონჷ ლიდია ტრუშეფი დო უღულქ გეგნორთჷ ოხორინალო სანქტ-ბეტერბურგიშა, თი ბორჯის რუსეთიშ ნანანოღაშა დო ინტელექტურლური დო რევოლუციური ატქტივობეფიშ ცენტრიშა. ბერდიაევი რსულას მონაწილენდუ ინტელექტუალური დო შურიელი დებატეფს. ეკონიას, დეთხუ რადიკალურ მარქსიზმის დო მუშ ჸუჯალაშ ფოკუსირება მართინუ ფილოსოფიაშა დო სპირიტუალიზმიშა. ბერდიაევი დო ტრუშეფი ართმაჟირაშო ართგურიელი რდეს, სოიშახ ოსურპატონ ლიდიაქ ვაღურუნ 1945 წანას.

ნიკოლაი ბერდიაევი

ბერდიაევი რდჷ ორთოდოქსული ქირსიანობაში მიმათხოზინალი, მარა ხშირას კრიტიკულო უჯინედუ ინსტიტუციონალური ეკლესიას. 1913 წანას ნიკოლაიქ გიშაშქუ რუსეთიშ მართლმადიდებელი ეკლესიაშ წიმინდე სინოდიშ კონწარას გუმაკრიტიკაფალი სტატია. თე სტატიაშ გეშა, ბერდიაევს ბრალო მიწურინეს ღორონთიშ შეურაცხყოფა, მუშოთ სარჯელი რდჷ ირიათონო ციმბირიშა გინოხორაფა. მაართა საგებიო ლჷმაშ დო ბოლშევიკური რევოლუციაშ გეშა ბერდიაევიშ გასამართებაქ ვაკოდირთუ.

ბერდიაევი რდჷ უნივერსალისტი ქირსიანი.

ბერდიაევი ჭარუნსჷ მოწონებათ, ნამდა:

ეკლესიაშ ბჟაეიოლიშ მაგურაფალეფიშ დიდი ნორთი, დოჭყაფილი კლემენტი ალექსანდრიალით მაქსიმე აღმსარებელიშახ, რდეს უნივერსალური გინოსკილადაში დო თანაფაში აპოკატასტასიშ ხუჯიშ დჷმაკინეეფი... ორთოდოქსული აზრი დღას ვა რდჷ შქირატილი ღორონთიშიერი სამართიანობაშ იდეათ დო თე აზრის დღას ვა გუჭყოლიდაფუაფუ ღორონთიელი ჸოროფა. თარო - ორთოდოქსული აზრის ადამიერი დღას ვაგუხურგუ ღორონთიშიერი სამართიანობათ, ვარინ ადამიერიშ დო კოსმოსიშ ტრანსფიგურაციაში დო დეიფიკაციაშ იდეაშე.

რუსეთიშე გინოჸოთამა

ბერდიაევს ვეიაჭოფუ ბოლშევიკური რეჟიმქ თე რეჟიმიშ ავტორიტარიზმიშენი დო ინდივიდიშ დუდიშულობაშე სახენწჷფოში დომინირებაშ გურშენი; მარა ბერდიაევქ ედომუშამო გინიღჷ რევოლუციური პერიოდიშ სირთულეეფი: მუდგარენ პერიოდით მეჩეს ჭარუაში დო ლექციეფიშ კითხირიშ გოგინძორაფაშ ალობა.

ბერდიაევიშ ფილოსოფია დოხასიათაფილი რდჷ მუჭოთი ქირსიანული ეგზისტენციალიზმი. ბერდიაევი დიდი ჸუჯალას არზენდუ კრეატიულობას დო კერძოთ დუდიშულობას ირფელშე, მუდგა კრეატიულობას უდვანდჷ ხურგისჷნ. თავრეშე მიშჷ თიშ ოპონირება "კოლექტივიზებული დო მექანიზირებული ჯარალუაშ" იდეაშა.

1922 წანას ბერდიაევი რდჷ 160 გიშარჩქინელი, ჯგირო გიშაგორილი, ჭარუეფიშ, მენცარეფიშ დო ინტელექტუალეფიშ ბუნას, ნამუეფიშ იდეეფქ ბოლშევიკური თარობაშენი იჸუ ვარაფილქ. თე კათა აძვილეს ქუდუტებუდესკო რუსეთი, მუჭოთ თი ბორჯის უძახჷდესჷნ "ფილოსოფოსეფიშ ხვამარდით". ზოგადო, თე კათა ვართ ცარიზმიშ დო ვართ ბოლშევიზმიშ ხუჯიშ დუმაკინეეფი რდეს დო უმოსო უხუჯანდეს ნორკებო ავტოკრატული თარობაშ დოდგინაფას. გინოხორაფილი/ნტებული კათაშა მიშმეშეს თინეფი, მიდგა პირადი დუდიშულობას, შურიელი გოვითარაფას, ქირსიანული ეთიკას, გაღათ ნაკარნახებუ დო რწუმათ მანჯღვერაფილი თარობას უკინენდეს ხუჯისჷნ.

გინოხორაფა საფრანგეთიშა

დუდშე, ბერდიაევქ დო შხვა ნტებულეფქ იდეს ბერლინიშა, მარა ვაიმარიშ გერმანიას ეკონომიკური დო პოლიტიკური ბაძაძეფქ აძვილჷ ბერდიაევი დო თიში ჩილი გეგნურთუმუდესკო პარიზიშა 1923 წანას. თექ ბერდიაევქ შეხვადჷ საფრანგეთიშ აკადემიურ ჯარალუას, ოგურუანდჷ, ლექციეფს კითხულნდჷ, ჭარჷნდჷ დო ხანდენდჷ ფრანგი ინტელექტუალეფწკჷმა.

მაჟირა საგებიო ლჷმაშ ბორჯის გერმანალეფშე საფრანგეთიშ ოკუპაციაშ გოლინას, ბერდიაევი აგინძორენდჷ წიგნეფიშ ჭარუას, ნამდგაქ გუმობჟინაფილქ იჸუ ლჷმაშ უკული - ნამთინექ ნიკოლაიშ ღურაშ უკული. თი წანეფიშ გოლინას, ნამუთ ბერდიაევქ მუკორთ საფრანგეთისჷნ, ნიკოლაიქ ჭარუ ვითოხუთი წიგნი, თი წიგნეფიშ მეკოროცხილო, ნამუთ იკოროცხუ ბერდიაევიშ უშანულამაშ ნახანდო. ბერდიაევქ ღურუ მუში ოხანდებელი ტაბაკიწკჷმა პარიზიშ ხოლოს, 1948 წანაშ მელახის.

ნახანდეფი

• "დუდიშულობაში ფილოსოფია"(«Философия свободы») (1911)
• "ალექსანდრე სტეპანეშ სქი ხომიაკოვი" («Алексей Степанович Хомяков») (1912)
• "ხელუანობაში ნანააზრი (ადამიერიშ გამართლებაში გამოცდილება)" («Смысл творчества (Опыт оправдания человека)») (1916)
• "რუსეთიშ ბედი (ცდეფი ლიმაში დო ეროვნულობაში ფსიქოლოგიაშენი). 1914-1917 წანეფიშ სტატიეფიშ კრებული" («Судьба России (Опыты по психологии войны и национальности). Сборник статей 1914—1917» (1918)
• «Духовные основы русской революции (Сборник статей)» (1917—1918)
• «Смысл истории» (1923)
• «Миросозерцание Достоевского» (1923)
• «Философия неравенства. Письма к недругам по социальной философии» (1918, изд. 1923)
• «Новое средневековье (Размышление о судьбе России)» (1924)
• «Константин Леонтьев. Очерк из истории русской религиозной мысли» (1926)
• «Философия свободного духа (Проблематика и апология христианства)» (1927)
• «О назначении человека (Опыт парадоксальной этики)» (1931)
• «Судьба человека в современном мире (К пониманию нашей эпохи)» (1934)
• «Я и мир объектов (Опыт философии одиночества и общения)» (1934)
• «Дух и реальность (Основы богочеловеческой духовности)» (1935)
• «Истоки и смысл русского коммунизма» (на нем. 1938; на рус. 1955)
• «О рабстве и свободе человека (Опыт персоналистической философии)» (1939)
• «Самопознание (Опыт философской автобиографии)» (1940, изд. 1949)
• «Творчество и объективация (Опыт эсхатологической метафизики)» (1941, изд. 1947)
• «Экзистенциальная диалектика божественного и человеческого» (1944—1945; на фр. 1947, на рус. 1952)
• «Русская идея (Основные проблемы русской мысли XIX века и начала XX века)» (1946)
• «Царство Духа и царство Кесаря» (1947, изд. 1949)
• «Истина и откровение. Пролегомены к критике Откровения» (1946—1947; на рус. 1996)

ლიტერატურა

• Л. И. Шестов, «Николай Бердяев (гнозис и экзистенциальная философия)»
• В. В. Розанов, «На чтениях г. Бердяева»
• Ал. Мень, Николай Александрович Бердяев, фонограмма
• Свящ. Г. Кочетков, «Гений Бердяева и Церковь»
• Шенталинский В. «Философский пароход»
• Вениамин (Новик) Иг. «Мужество человека, публициста, философа» (К 50-летию земной кончины Николая Бердяева)
• «Я понять тебя хочу, смысла я в тебе ищу…» (Н. А. Бердяев и оккультизм)
• Райхельт, Штефан. Николай Бердяев в Германии 1920—1950. Исследование по истории влияния. (Отрывки из книги)// Coincidentia oppositorum. От Николая Кузанского к Николаю Бердяеву. — СПб.: Алетейя, 2010. — с.397—426.
• Юрий Семёнов. О русской религиозной философии конца XIX — начала XX века
• Шулятиков В. М. Критические этюды (о Бердяеве) // Курьер. — 1901. — № 201.
• Свенцицкий В. П.Ответ Бердяеву (1907).

გალენი რცხუეფი

• Биографические данные и библиография на сайте «Религиозные деятели русского зарубежья»
• Журнал «Путь. Орган русской религиозной мысли» на сайте Руниверс.
• Н. А. Бердяев — интеллектуальная биография
• Бердяев Н. А. О назначении человека. — Париж: Изд. «Современные записки», 1931 на сайте Руниверс в форматах DjVu и PDF.
• Бердяев Н. А. Я и мир объектов. Опыт философии одиночества и общения на сайте Руниверс.
• Николай Александрович Бердяев, видеофильм
• Сочинения Бердяева в библиотеке Я. Кротова
• Сочинения Бердяева в библиотеке «Вехи»
• Н. А. Бердяев «Основы религиозной философии», издано впервые в 2007 году в Библиотеке ImWerden
• Русская идея Николая Бердяева
• Бердяев, Николай Александрович — Биография. Мировоззрение. Афоризмы
• Черный Ю. Ю. Философия пола и любви Н. А. Бердяева. Монография (2004)
• Жизнь Бердяева Николая Александровича
• Журнал «Путь. Орган русской религиозной мысли», номера с 1 по 61 за 1925—1939 гг.
• Berdyaev Online Library and Index
• Philosopher of Freedom
• ISFP Gallery of Russian Thinkers: Nikolay Berdyaev