ნიკოლო პაგანინი

ნიკოლო პაგანინი (იტალ. Niccolò Paganini) (დ. 27 გჷმათუთა, 1782, გენუა, იტალია — ღ. 27 მესი, 1840, ნიცა, საფრანგეთი), იტალიარი მევიოლინე, გიტარისტი დო კომპოზიტორი ჯოხოშინელი ვიოლინოშ ართი სიმც მეგამათ. თიში 24 კაპრიზიქ გოლინა იღვენუ ბრამსიშ, რახმანინოვიშ დო ლისტიშ მუსიკაშა.

ბაღანობა დო ორდოამი კარიერა

ნიკოლო პაგანინიქ დებადჷ იტალიაშ ნოღა გენუას, უღვენჯი ფანიას. თენა რდჷ ანტონიო და ტერეზა პაგანინიშ მასუმა სქუა. მუამუში ანტონიო კაზინოს ლაჸაფენდ დო ფანიაშ ბოლო ფარას ახარჯენდჷ. ფარას თინა მანდოლინაშ მეგამათ ეთმოჭოფუნდჷ. 5 წანერი ნიკოლო პაგანინიქჷთ ქჷდიჭყ მანდოლინაშ მეგამა. თიში მაგურაფალი მუამუში რდ, ოდო შვიდი წანაშე ვიოლინოშ მეგამაშ გურაფას ქეშუდირთ. ნიკოლოქ მალე მალას ქიდიგურუ თე ინსტრუმენტიშ გჷმორინაფა. ბაღანობაშე მუკმიშ კონცერტეფც მუდგაშ გეშათ მუამუშმა ბრელი ფარა იშუ. ახალგმარდუ ნიკოლოშ მაართა მაგურაფალეფი რდეს ჯოვანი სერვეტო დო ჯიაკომო კოსტა, მარა თიში ტექნიკაქ მალას გჷწულუ მაგურაფალეფიშ ტექნიკას. მუამუშიქ ნიკოლო პარმაშა მიდეჸუნჷ გჷმორჩქინელი მევიოლინე ალესანდრო როლაწკჷმა უგურაფუაფუდუკონი, მარა მუჟამცჷთ მევიოლინექ ნიკოლოშ მჷნაგემი ქმირჩქილუნ, უზუკოლჷ ფერდინანდო პაერშა ქიმურთუმუდუკო ოგურაფუშა.

პაგანინიშ ვიოლინო

2005 წანაშ 1 ნოემბერს კარლო ბერგონციშ ვიოლინო, ნამუთ ორხველუდ ნიკოლო პაგანინსინ, ლონდონიშ აუქციონს «Sotheby’s» 1,1 მილიონ დოლარშა (დოჭყაფური ფასი რდჷ 500 ანთასი დოლარი) ოვიოლინე ხელუანობაშ ფონდიშ წჷმმარინაფალქ - მაქსიმ ვიქტოროვქ ქიჸიდჷ. მაჸიდეშ რაგადით თე ინსტრუმენტი უციოთ ქიმიგამუაფუდ 2005 წანაშ 1 დეკემბერს მოსკოვიშ კონსერვატორიაშ დიდი დარბაზის, მოსკოვიშ პაგანინიშ ოერეფოშქაშე კონკურსის. თე ვიოლინო რე ართ-ართი კარლო ბერგოციშ 50 ამდღარშა წჷმოსქილადირი ნახანდიშე.

ქიმერონი

ფ. კერსტინგი - ნიკოლო პაგანინი (დოხოლაფირო 1830 წ.)

• 24 კაპრიზი სოლო ვიოლინოშო, ოპ. 1 (1801-1807)
• ამშვი სონატა ვიოლინო დო გიტარაშო ”ეჯღუნებჷ სინიორ დელპინას” ოპ. 2 (1801-1806)
• ამშვი სონატა ვიოლინო დო გიტარაშო ”ეჯღუნებჷ ელეონორას” (1801-1806)
• სუმი კვარტეტი ვიოლინოშ, ალტიშ გიტარაშ დო ვიოლონჩელიშო ”ეჯღუნებჷ ნიკოლო პაგანინიშ თაყვანისმცემელ ოსურეფც”, ოპ. 4 (1802-1805)
• სუმი კვარტეტი ვიოლინოშ, ალტიშ გიტარაშ დო ვიოლონჩელიშ ”ეჯღუნებჷ ნიკოლო პაგანინიშ თაყვანისმცემელ ოსურეფც” ოპ. 5 (1802-1805)
• მაართა კონცერტი ვიოლინოსა და ორკესტრიშო, რე მაჟორი ოპ. 6 (1811)
• მაჟირა კონცერტი ვიოლინო დო ორკესტრიშო, სი მინორი, ოპ. 7 (1826)
• მანთხა ოვიოლინე კონცერტი, ლა მინორი (1830)
• ”ჯადოქარეფი” - ინტროდუქცია დო ვარიაციეფი ვიოლინო დო ორკესტრიშო, ზიუსმაიერიშ ბალეტიშ ”ბენევეტოშ თხირიშ” თემაშა ოპ. 8 (1813)
• ინტროდუქცია დო ვარიაციეფი ბრიტანულ ჰიმნიშე- ”God save the Queen" ვიოლინო დო ორკესტრიშო, ოპ. 9
• ვარიაციეფი ბირა ”ოჸოროფული დიდა”-შ თემაშა (ვენეციური კარნავალი) ვიოლინო დო ორკესტრიშო ოპ. 10 (1828).
• ”ირონი ყარაფი” ვიოლინოშო ორკესტრწკჷმა ვარა გიტარაწკჷმა ოპ. 11 (დოჭარილი 1830-იშ უკული)
• ინტროდუქცია დო ვარიაციეფი როსინიშ ოპერაშ არიაშე. ვიოლინო დო ორკესტრიშო ოპ. 12 (1819)
• ინტროდუქცია დო ვარიაციეფი როსინიშ ოპერა ტანგრედიშ არიაშე ვიოლინო დო ორკესტრიშო ოპ. 13 (1819)
• სუმენეჩი ვარიაცია გენუური ბირა ”ბარუკაბა”შე ვიოლინო დო გიტარაშო ”ეჯღუნებჷ მაჸალე ჯერმის” ოპ. 14 (1835)
• ინტროდუქცია დო ვარიაციეფი ”ხვამაშ” თემაშე როსინიშ ოპერა ”მოსე”-შე, მანთხა სიმს, ორკესტრი დ ვიოლინოშო (1818)
• ინტროდუქცია დო ვარიაციეფი პიზიელოშ ოპერაშ თემაშე სოლო ვიოლინოშო (1820 ვარა 1821)
• ”პაგანინიშ მერეთი” - ეჯღუნებჷ თავად ელიზა ბაჩოკის - სოლო ვიოლინოშო(1806-1808)
• სონატა ვიოლინო დო ფორტეპიანოშო
• ”ირონი ყარაფი” სონატა ვიოლინო დო ფორტეპიანოშო (1830-იშ უკული)
• ვარიაცია იოზეფ ვეგელიშ თემაშე ვიოლინო დო ფორტეპიანოშო
• კანტაბილე დო ვალსი - ვიოლინო დო გიტარაშო ”ეჯღუნებჷ გურა ბოშის - სინიორ კამილო სიგორის” (1823-1824)
• კანტაბილე რე მაჟორი ვიოლინო დო გიტარაშო
• გამოსამშვიდობებელი კაპრიზი, დოჭარილი ჩქიმი მაალე პატნი ე. ელიასონიშო” სოლო ვიოლინოშო (1831 ვარა 1832)
• ”მუნერი ბედინერი დღა რე” სოლო ხონარი, ბუნა დო ფორტეპიანოშო, ჰარისიშ ლერსეფშე (1830)
• ”პადუაშ სამანცარობეფი” - დივერტისმენტი ვიოლინო დო ფორტეპიანოშო
• ”პატრიოტული ბირა” ხონარი, ბუნა დო ფორტეპიანოშო
• ”ნაპოლეონი” - ოვიოლინე სონატა (მანთხა სიმი)
• "ოჸოროფული ადაჟიო" ვიოლინო დო ფორტეპიანოშო
• "ოფუტეშ ბალეტი " ვარა ვარიაციეფი კომიკური თემაშა
• "ოჸოროფული დუეტი ვიოლინო დ გიტარაშო" (1807)
• სონატეფიშ კორობილი ვიოლინო დო გიტარაშო (18 სონატა), 1828 წანაშ უკული
• სონატა გიტარა დო ვიოლინოშო "ეჯღუნებჷ ელილი დი ნეგროს" (1804)
• დიდი სონატა გიტარა დო ვიოლინოშოთ
• ტრიო ვიოლა, ვიოლონჩელი დო გიტარაშოთ

ვარიაციეფი ართი სიმც

რესურსეფი ინტერნეტის

• დოკუმენტური ფილმი ნიკოლო პაგანინიშე (ინგლისურო.)

თე სტატია მერკე რე. თქვა შეილებუნა ქიმეხვარათ ვიკიპედიას დო გაგშათინათ დო გოფაჩათ.