ოგლალა სიუ
ოგლალა, ოგლალა სიუ, ოგლალა ლაკოტა წჷმჷმარინუანც ინდიარეფიშ ნინაშურ ფანიას სიუშ ართ-ართი ტომც. ტომიშ ჯოხოდვალა მუთმოურც ზიტყვაშე, ნამუთ ლაკოტაშ ნინაშა შანენც ,,მუშითგუმაფაჩალც". თინეფიშ ჯინჯიერი ოხორინალი აბანი რე რეზერვაციეფი ობჟათე დაკოტას დო ნებრასკას.
[რედაქტირაფა] ისტორია
ოგლალა ლაკოტაქ, შხვა დოსქილადირ 6 ლაკოტაშ ტომწკჷმა ართო გამკაჩირთ ართ მაჟირას მავითოჩხორა ოშწანურაშ დოჭყაფუს. 1840 წანაშე ოგინაფალო გილელუ ურთიერთალაქ ინდიარეფ დო ჩეკანამეფც შქას. ჩეკანამეფიშ მუდანობა დღაშედღაშა ირდუდუ. თინეფქ გეშასირეს ნოტყეფი დო მაფურინჯეფი, მოსპეს ოხორინალი გარემო დო თეთ ლაკოტეფც ურთულაში ოხორინალი სიტუაცია აკუქიმინეს. თექ ირფელქ გჷშეჭანუ ლჷმა, მუქუთ 1870 -ამი წანეფიშ ლიაშახ გეგინძორჷ დო ჩეკანამეფიშ გომორძგუათ მითუ. ამდღა ლაკოტეფიშ უმენტაშობა ოხორანც პაინ-რიჯიშ რეზერვაციას, ნამუთ 8984306 კმ² -ის იკჷნენც დო იდვალუაფუ ობჟათე დაკოტას.
[რედაქტირაფა] მახორობა
ლაკოტეფიშ მახორობა 1825 წანაშო აკმადგინანდ გვალო მუდგარენ 1500 ადამიერც, 1882 წანაშო ლჷმეფქ დო შქირენაქ თე ტომიშ მახორობაშ რიცხუ 702 ადამიერშახ გეგმიჸუნჷ, ოდო თიშ უკული მუთ თინეფქ რეზერვაციაშა გეგნიხორეს დო ამერიკალეფშე ხეუმკუნჭაფუობა გეჭოფესჷნ, თინეფიშ რიცხუქ მირდუ დო 2008 წანაშ ეჭარუათ აკმადგინანც დოხოლაფირო 42 000 ადამიერც.
[რედაქტირაფა] რესურსეფი ინტერნეტის
- ოგლალა სიუშ ტომი, ოფიციალური ვებ-ხასჷლა
