ოდნოკლასნიკი.რუ

Одноклассники.ru
მიოწურაფუ	Odnoklassniki.Ru
ნინა	რუსული, უკრაინული, ქორთული, უზბეკური, რუმინული, ინგლისური, აზერბაიჯანული, სომხური, რუმინული (მოლდოვაშო), ტაჯიკური
საიტიშ ტიპი	სოციალური რშვილი
რეგისტრაცია	უფასე
დჷმარსხუაფალი	ალბერტ პოპკოვი
გოტებაშ თარიღი	4 მელახი, 2006 წ.
სტატუსი	აქტიური

ოდნოკლასნიკი (www.odnoklassniki.ru, ოდნოკლასნიკი.რუ) — რუსული მიარენინამი სოციალური რშვილური ვებ-საიტი, დორსხუაფილი 2006 წანას. საიტიშ მუშ სტატისტიკური მუნაჩამეფიშ მეჯინათ, 2011 წანაშ კვირკვეშო რეგისტრირაფილიე 100 მილიონი მაკათურშე მეტი, თაშნეშე 2013 წანაშ 1 ღურთუთაშ მუნაჩამეფით, 205 მილიონი მაკათურშე მეტიე რეგისტრირაფილი. საიტშა მიშულაშ სიშხირე — 44 მლნ მიშმაულარი 1 დღა დო სერიშ განობას.. გიმირინუაფუ მუსხირენ ნინაშა: რუსულო, უკრაინულო, ქორთულო, უზბეკურო, რუმინულო, ინგლისურო, აზერბაიჯანულო, სომხურო, რუმინულო (მოლდოვაშო), ტაჯიკურო. ოდნოკლასნიკიშ ამდღარი აქციეფი ათაშ გჷთმირთ: ალბერტ პოპკოვი (31,9%), ირინა პოპკოვა (31,8%), Ou Tobias (18,3%) დო Digital Sky Technologies (18%).

კომპანია

კომპანიაშ ოფისიშ ორენიშ მიოწურაფუ: რუსეთი, 125167^{[ღურელი რსხილი]} ცენტრალური ფედერალური ოკრუგი, ნოღა მოსკოვი, ოორუე ადმინისტრაციული ოკრუგი, რაიონი აეროპორტი, ლენინგრადიშ პროსპექტი, ჸუდე 39, ნოდგჷმი 79, БЦ «SkyLight».

ფასიანი რეგისტრაცია დო სერვისეფი

2008 წანაშ გმათუთაშე 2010 წანაშ ეკენიაშახ უფასოთ დორეგსტრირაფა შილებდჷ ხვალე გოხურგელი ფუნქციეფით. თი ვერსიას ვეშილებედჷ ნაჭარეფიშ ჯღონუა, ფოტოეფიშ ეხარგუა დო ფასაფა, ფორუმეფს კომენტარეფიშ დოტება დო შხვა მაკათურეფიშ ხასჷლეფშა მიშულა. თე ფუნქციეფიშ გჷმარინაფალო ფასიანი მერკე ნაჭარაშ ჯღონა რდჷ უციო.

თეშ მოხ, საიტი წუმარინუანდჷ რანწკი ოგაფურ ნინალეფს: მაკათურშე მუშ სურათეფიშ აკოფასაფაშ ლასუაშე დო ჯგირ ფასაფაშ მეჩამაშე, მაკათურიშ საიტიშ მიშულაშ მაგინაფალი ნაჭარაშ გიმართალი, "სმაილიკეფიშ" ფართე გიშაგორუაშ საშუალება.

2010 წანაშ 31 მარაშინათუთას სოცრშვილიშ ხემანჯღვერობაქ ფასიანი რეგისტრაცია გაუქვუ.

რესურსეფი ინტერნეტის

• ოფიციალური ვებ-საიტი
• მობილური ვერსია^{[ღურელი რსხილი]}