ონი
| ონი | |
|---|---|
|
|
|
|
| ონი | |
| სტატუსი | ნოღა |
| ქორთული ჯოხო | ონი |
| ქიანა | საქორთუო |
| რეგიონი | რაჭა-ლეჩხუმი დო თუდონი შონე |
| მახორობა | 3000 |
| ეჭარუაში წანა | 2002 |
| ბორჯიში ორტყაფუ | +4 |
| ოტელეფონე კოდი | +995 473[1] |
| ოფოსტე ინდექსი | 3600[2] |
| კატეგორია ვიკიონწკარუს | Oni, Georgia |
ონი — ნოღა ბჟადალ საქორთუოს, წყარმალუ რიონიშ კვარჩხან ძგოპის. ონიშ მუნიციპალიტეტიშ ადმინისტრაციული ცენტრი. ზუღაში დონეშე 830 მ, ქართიშე 210 კმ. 3,3 ვითოში მახორუთ (2002). ონს ზომიერო შიმე ჰავა რე, უჩქჷ ზომიერო რგილი ზოთონჯი დო ხანგინძე ტჷბუ ზარხული. ოშქარი წანმოწანური ტემპერატურა რე 10 °C, ღურთუთას — 1 °C, კვირკვეს 20,4 °C, აბსოლუტური მინიმალური - 27 °C, აბსოლუტური მაქსიმალური 38 °C. ნოლექი 1000—1100 მმ წარმოწანას.
ონი ისტორიულ წყუეფს მაართათ იშინუაფუ XV-XVI ოშწანურეფს. მენცარობას გიშარაგადელი რე აზრი, ნამუდა ონი დარსხუ იბერიაშ მაფა ფარნაჯომქ (ჯვეში წანათეკოროცხუაშ II ოშწანურას). შქა ოშწანურეფს მირდუ ფეოდალური ნოღა ონიში ეკონიმიკური შანულობაქ. თაქ აკმოხვადუდუ ოორუე კავკაციაშე, ქართლიშე, იმერეთიშე დო თუდონ რაჭაშე მუმაულარი შარეფი. იმერეთიშ ომაფეშ რუსეთიშა მიკოართაფაშ (1810) უკული ონი რდჷ დაბა; ონი წჷმარინუანდჷ რაჭაშ შანულამ ოვაჭრე პუნქტის, გოვითარაფილი რდჷ ხეშსაქვარი. 1846 წანაშე რდჷ ქუთეშიშ გუბერნაშ რაჭაშ მაზრაშ ადმინისტრაციული ცენტრი. ონიშ ტერიტორიას ძირაფილი რე ბრიჯაოში კვაღა (ბრინჯაოშ ხანა), თაშ ხოლო კოლხური თეთრიშ (ჯვეში წანათეკოროცხუაშ VI-III ოშწანურეფი) არხამა.
ნოღას რე საწარმოეფი, ჯანთხილუაშ, განათლებაშ დო კულტურაშ დაწესებულებეფი. ონს რე ნიკორწმინდაშ ეპარქიაშ რეზიდენცია.
ნოღას უკებუ ხორგულიშ ონჭირე ღოზი რიონიშ კვარჩხანი მიშმაკათუეფს — ჯეჯორაშ დო ღარულაშ შქას. ნოღაში ტერიტორიაქ შანულამო გეფართინუ რიონიშ კვარჩხანი ძგოპიშ გოჸუნაფას კიდალაშ ეგაფაშ უკული. გოჸუნაფილი რე წყარიშოლუ. ნოღაშა გინმურსუ ოსეთიშ ოურდუმე შარა. ნოღას მიკოსკილადირი რე შქა ოშწანურეფიშ ჯიხაშ ხორგი დო სინაგოგა.
