ოპერატიული შუონა
ოპერატიული მუკოწონაფაშ მონწყილაფა (RAM) რეალიზაფილიე ქვერსემი ინტეგრალური სქემაშ სახეთ. მუნაჩამეფიშ კითხირიშ ვარა დინოჭარუაშ ჟამს 60+ ნანომერქა რე (60x10−9წმ). არსებენს ჟირი ტიპიშ ოპერატიულიმუკოწონაფაშ მონწყილაფა: სტატიკური დო დინამიკური. სტატიკური ოპერატიული მუკოწონაფაშ მონწყილაფაშ ელემენტარული უჯრედიშ როლს ინტრიგერული სქემა გიშმურს. ათენერი სქემა იმპულსიშ მეღებაშახ ვარა ჩამაშ გიმოთიშაფაშახ ინარჩუნენს ართ-ართი დგომარებას 0 ვარა 1. უჯრას დინოჭარილი ინფორმაციაშ კითხირიშ ჟამს თიში დგომარება ვეთირუ. დინამიკური მოდელი აკმიდგუმუ მიკროსკოპული ნტირაფაშე (კონდესატორეფიშე). არძონერი კონდესატორი შილებე რდასინ ჟირ დგომარებას: დომუხტული ვარა უდუმუხტუ. თეცალი შუონას ენოჭარილი მუნაჩამეფიშ მუკაწონაფალო ოხვილური რე უდუმუხტუო კონდესატორეფიშ პერიოდულო დომუხტუა. თეშ გურშენ დინამიკური შუონა სტატიკურწკჷმა ალაზიმაფათ ნელმოქმედიე. მანგიორი თინა ნორკებას ენერგონტირალიე. ოკო ებღანკათ, ნამუდა ჟირხოლო ტიპიშ მუკოწონაფაშ მონწყილაფა წიმარინუანს მორჩილი ზუმაშ ბეშტილი პლატას, თიშა გოდვალირი მიკროსქემეფით. ოპერატიული მუკოწონაფაშ მონწყილაფაშ გალე, წორობორჯული პერსონალური კომპიუტერეფს გარჩქუნა თ.გ. ჟიოპერატიული მუკოწონაფაშ მონწყილაფა (ქეშ შუონა), ნამუთ უნარღელჸოფირენს ნელმოქმენდი მონწყილაფაშ მერნაფას, სწრაფმოქმენდი მონწყილობაწკუმა, მაგალითო, მიკროპროცესორიშ დინამიკური შუონაწკჷმა.
არსებენს ჟირი დონეშ ქეშ შუონა: მაართა დონეშ 32 ბაიტიშ ნტირაფათ (ასე უკვე 64), ნამუთ ინოკიდილიე უშქაშმალუო მიკროპროცესორს დო მაჟირა დონეშ 512 დო უმოსი ნტირაფათ. თინა გირინუაფუ სისტემური პლატას.
