რიწაშ ტობა
| რიწაშ ტობა | |
|---|---|
 |
|
| კოორდინატეფი: | 43°28′53″ ო. გ. 40°32′29″ ბ. გ. |
| ართიმართი | გუდაუთაშ მუნიციპალიტეტი |
| სიმაღალე ზუღაშ გეჸეშე | 884 მ |
| ფართობი | 1,49 კმ² |
| გოჸე | 94 კმ³ |
| მაქსიმალური სიტომბა | პ101 მ |
| გოჸორიშ ფართობი | 154 კმ² |
რიწაშ ტობა (დიდი რიწა), (აფხ. Риҵа) - ტობა საქორთუოს, აფხაზეთის, წყარმალუ ბზიფიშ გოჸორს, ზუღაშ გეჸეშე 884 მეტრას, სარკეშ ფართობი რე 1,49 კმ², გოჸორიშ ფართობი - 154 კმ², გოჸე - 94 მლნ/მ³, მაქსიმალური სიტომბა - 101 მ. ქვიბიქ გიჭყუ გაგრაშ ქჷნდჷრიშ ოჩხანე-ბჟაეიოლ კართეშე გიმნანწყვი კირდესვიმონით, წყარმალუ ლაშიფსიშ გუბუაშ გეშა.
რიწაშ გეჸეეფიშ რეჟიმი იხურგუ მუში ნადუეფიში რეჟიმით. რიწაშ ტობას აკათუ ამშვი წყარმალუ. თე წყარმალუეფშე არძაშე უდიდაში რე ლაშიფსე. ტობაშე გიშმურს წყარმალუ იუფშარა. უდიდაში გეჸე მესის რე, უჭიჭაში - ფრევალს. ეკენიას რე გეჸეშ მაჟირული მინიმუმი,გჷმათუთას მაჟირული მაქსიმუმი. გეჸეეფიშ წანური ძანძინიშ ოშქარი ამპლიტუდა 166 სმ. რე, მაქსიმალური 234 სმ, მინიმალური 108 სმ. წყარიშ ტემპერატურა ფრევალს - 3,8°C, მარაშინათუთას - 17.8°C. ოშქარი წანური ნოლექი მეხოლ. 2000-2200 მმ-იე. ზოთონჯი ბორჯგიშაშკუმალირო თირამიე.
რიწაშ წყარი ძალამი ლიგე რე (66 მგ/ლ). გიშულირს მომწვანე ფერიშიე, ზოთონც - მოცაშფერო-მოლებიშფერო რე. დინდარიე ფიტოპლანქტონით. ჩხომეფშე უჩქუ ხვალე კალმახა. რიწა ოტომბაში ტობა რე მოლენკავკაციას. თიშ მუკე-მუკე გვალეფიშ სიმაღალე იძანძჷ 2200-3500 მ შქას. ტობაშ მუკე-მუკე ლირსამი ნოჯეფიშ მიარესახეობა ფალუნს, ნამთინე თინეფშეიანიშ სიმაღალე 70 მეტრას ოჭირინუანს.
1946 წანას დირცხუ რიწაშ თხილერი ტერიტორიაქ (16.289 ჰა) ტობაშ დო თიში ელჷ-მოლიშ ორთაშ ოთხილარო. ზუღაშე ეშმალი ოტრანსპორტე შარაქ დოგაფილქ იჸუ 1936 წანას. ტობა მენორსამი ტურისტული ოძირაფუობა რდჷ სხუნუეფიშ პერიოდის დო თიშ ოთოლიერებაფალო დღიურო 1000-შახ ტურისტი ეშმეშჷ.
იოსებ სტალინს ტობაშ ელჷ-მოლს ოზარხულე აგარაკი უღჷდ.
[რედაქტირაფა] რესურსეფი ინტერნეტის
[რედაქტირაფა] ლიტერატურა
- აფხაზავა ი., ქართული საბჭოთა ენციკლოპედია, ტ. 8, გვ. 401, თბ., 1984 წელი.
