სამარგალო-ჟიმოლენი შონეშ აკანი

სამარგალო-ჟინი შონეშ აკანი სამეგრელო-ზემო სვანეთის მხარე

ადმ. ცენტრი	ზუგდიდი
სახენწჷფო რწუმებული	გურამ მესაბიშვილი
რეგიონიშ კოდი	GE-SZ
რაიონი	7+1 ნოღა
ფართობი	7,441 კმ²
მახორობა	468000 (2008)

სამარგალო-ჟიმოლენი შონეშ აკანი — აკანი ბჟადალ საქორთუოს, იკათუანს ისტორიულ–გეოგრაფიული პროვინციეფიშ სამარგალოშ დო შონეშ (ჟინი შონეშ) ტერიტორიეფს. რეგიონიშ ონაციეფოშქარე კოდი რე GE-SZ.

[რედაქტირაფა] ადმინისტრაციული დორთუალა

სამარგალო-ჟიმოლენი შონეშ აკანშა მიშმურს საქორთუოშ კანონდვალათ გოხურგილი გეჸვენჯი ადმინისტრაციულ-ტერიტორიული ართურეფი:

რუკა	მუნიციპალიტეტეფი

	ნოღა ფუთი
	აბაშაშ მუნიციპალიტეტი
	ზუგდიდიშ მუნიციპალიტეტი
	მარტვილიშ მუნიციპალიტეტი
	მესტიაშ მუნიციპალიტეტი
	სენაკიშ მუნიციპალიტეტი
	ჩხოროწყუშ მუნიციპალიტეტი
	წალენჯიხაშ მუნიციპალიტეტი
	ხობიშ მუნიციპალიტეტი

[რედაქტირაფა] ზოგადი ჩინებეფი

აკანიშ ფართობი აკმადგინანს 7441 კვ.კმ-ს, მახორობა 466 ანთასის, მახორობაშ მეჭედალა 1 კვ.კმ-ს — 63 კოჩის. აკანიშ ადმინისტრაციული ცენტრი რე ნოღა ზუგდიდი. აკანს 500 დოხორელი პუნქტი რე, თენეფ შქას:

ნოღა — 8: აბაშა, ზუგდიდი, მარტვილი, სენაკი, ფუთი, წალენჯიხა, ჯვარი,
დაბა — 2: ჩხოროწყუ, მესტია;ხობი
'ოფუტე '— 490.

[რედაქტირაფა] გეოგრაფია

სამარგალო-ჟიმოლენი შონე აკანი იდვალუაფუ საქორთუოშ ცენტრალურ ოორუე-ბჟადალ ნორთის. რეგიონიშ ტერიტორია საქორთუოშ ტერიტორიაშ 10.6% რე, მუთ აკმადგინანს 7.4 ანთას კვ. კმ-ს, თე მუნაჩემით სამარგალო-ჟიმოლენი შონეშ რეგიონს მაჟირა აბანი უკინებუ საქორთუოშ რეგიონეფს შქას, ტყალეფს უკინებუ 3.01 ანთასი კვ. კმ, ანუ რეგიონიშ ედომშამი ფართობიშ 40.7 %.

ბჟადალშე სამარგალო-ჟიმოლენი შონეს აფხაზეთი დო უჩა ზუღა, ოორუეშე თარი წყარგჷმართალი ქჷნდჷრი, ოორუე-ბჟაეიოლშე დო ბჟაეიოლშე რაჭა-ლეჩხუმ-თუდოლენი შონეშ აკანი (ადმინისტრაციული თანჯა შონეშ, ეგრისიშ ქჷნდჷრს დო ასხიშ მასივს რე), ობჟათე-ბჟაეიოლშე იმერეთიშ დო ობჟათეშე გურიაშ აკანი უხურგანს.

ჟინი შონეშ ტერიტორიაშ 96% ზუღაშ გეჸეშე 1000 მ-ს, 65.8 % 2000 მ-შე მაღალს იდვალუაფუ. ზომიერი კლიმატი, ორთაშობური სისქვამე დო თხილერი ფაუნა ზოთონჯიშ დო ზარხულიშ ტურიზმიშ გოვითარაფაშ საშუალებას ირზენს.

[რედაქტირაფა] აკანური მუშითმართუალა

აკანიშ ადმინისტრაციული ართურეფი რე: 1 მუშითმამართვალი ნოღა დო 7 მუნიციპალიტეტი. აკანს სახენწჷფო მართუალას ახორციალენს საქორთუოშ პრეზიდენტიშე დოშანაფილი სახენწჷფო რწუმებულ-გუბერნატორი. თე პოსტის, ნამუქჷთ მუშაღალირქ იჸუ 1995 წანაშ ქირსეთუთას, ამდღარშახ მუშენდეს: