სამცხე-ჯავახეთიშ აკანი
| სამცხე-ჯავახეთიშ აკანი | |
|---|---|
 |
|
| ქიანა | საქორთუო |
| სახენწჷფო რწუმებული | ლაშა ჭკადუა |
| რეგიონიშ კოდი: | GE-SJ |
| რაიონი | 6 |
| ფართობი: | 6.413 კმ² |
| მახორობა: | 207.598 (2002) |
სამცხე-ჯავახეთიშ აკანი (ქორთულო სამცხე-ჯავახეთის მხარე) – აკანი ობჟათე საქორთუოს, იკათუანს საქორთუოშ ისტორიულ–გეოგრაფიული პროვინციეფიშ სამცხეშ, ჯავახეთიშ დო თორიშ ტერიტორიეფს. რეგიონიშ ოერეფოშქარე კოდი რე: GE-SJ.
დინორე |
ზოგადი ჩინებეფი [რედაქტირაფა]
აკანიშ ფართობი აკმადგინანს 6413 კვ.კმ-ს, მახორობა - 208 ანთასის, მახორობაშ მეჭედალა 1 კვ.კმ-ს - 32 კოჩის. აკანიშ ადმინისტრაციული ცენტრი რე ნოღა ახალციხე. აკანს 353 დოხორელი პუნქტი რე, თენეფ შქას:
- ნოღა - 5: ახალქალაქი, ახალციხე, ბორჯომი, ვალე, ნინოწმინდა;
- დაბა – 7: ბაკურიანი, ბაკურიანის ანდეზიტი, წაღვერი, ახალდაბა, ადიგენი, აბასთუმანი, ასპინძა;
- ოფუტე - 254.
აბანური მუშითმართუალა [რედაქტირაფა]
სამცხე-ჯავახეთიშ აკანშა მიშმურს საქორთუოშ კანონდვალათ გოთანჯილი გეჸვენჯი ადმინისტრაციულ-ტერიტორიული ართურეფი:
- ადიგენიშ მუნიციპალიტეტი;
- ასპინძაშ მუნიციპალიტეტი;
- ახალქალაქიშ მუნიციპალიტეტი;
- ახალციხეშ მუნიციპალიტეტი;
- ბორჯომიშ მუნიციპალიტეტი;
- ნინოწმინდაშ მუნიციპალიტეტი.
აკანიშ მართუალა ახორციელენს საქორთუოშ პრეზიდენტიშ დანიშნებული სახენწჷფო რწუმებული. თე პოსტის, ნამუქუთ მუშაღალირქ იჸუ 1994 წანაშ კვირკვეს, ამდღაშა მუშენდეს:
- 1994 - ვ.ბაქრაძე
- 1998 - გიგლა ბარამიძე
- 2002 - თემურ მოსიაშვილი
- 2003 - გელა კვარაცხელია
- 2004 - ნუგზარ პარუნაშვილი
- 2004 - ნიკო ნიკოლოზიშვილი
- 2005 - გიორგი ხაჩიძე
- 2008 - ლაშა ჭკადუა
ეკონომიკა [რედაქტირაფა]
სამცხე–ჯავახეთი ძირითად ოფუტე-ომეურნე რეგიონი რე, დახე არძა რეწუაშ პროდუქცია ბორჯომს იწარმებუ. თაქ რე აკოკათინელი აკანიშ ოკურორტე–გამაჯანსაღებელი ინფრასტრუქტურა. ეკონომიკური თოლონჭაფუთ პერსპექტიული რე ტურისტული მეურნებაშ გოვითარაფა, თაშნეშე ახალქალაქის დო თურქეთიშ ნოღა ყარსის შქას დოგეგმილი რე რკინაშშარაშ კიდანჯალა.
კულტურული ქილინიჯეფი [რედაქტირაფა]
აკანიშ ტერიტორიას იდვალუაფუ ორთაშ, არქიტექტურაშ დო კულტურაშ მიარე ქილინჯი, თენეფშე არძაშე ნიშულამეფი რე:
