სანტა-მარია-დელლა-გრაციეშ ოხვამე

ვიკიპედიაშე
დომინიკარეფიშ ორდენიშ სანტა-მარია-დელლა-გრაციეშ მონასტერი ლეონარდო და ვინჩიშ ფულირი სერობათ*
იუნესკოშ მოსოფელიშ მონძალაშ ობიექტი
ქიანა იტალია
ტიპი კულტურული
კრიტერიუმეფი i, ii
ერკებული იუნესკოშ ერკებული
რეგიონი** ევროპა
კოორდინატეფი 45°27′57″ ოორ. გ. 9°10′16″ ელ. გ.
კათაფაშ ისტორია
კათაფა 1980 (მა-4 სესია)
ნომერი 93
* ქძ. ინგლ. ჯოხო UNESCO-შ ერკებულს.
** იუნესკოშით კლასიფიცირაფილი რეგიონი.
იუნესკოშ შილა მოსოფელიშ მონძალა
UNESCO, ობიექტი № 93
რუს.ინგლ.ფრ.

სანტა-მარია-დელლა-გრაციე (იტალ. Santa Maria delle Grazie) — ეკლესია დო დომინიკარეფიშ ორდენიშ მონასტერი მილანს. მონასტერიშ სატრაპეზოს კიდალა იკათუანს ლეონარდო და ვინჩიშ შედევრის — ფულირ სერობას. 1980 წანაშე ეკლესია მიშულირი რე იუნესკოშ მოსოფელიშ მონძალაშ ობიექტეფიშ ერკებულშა.

დომინიკარეფიშ ორდენშო მონასტერიშ დო ეკლესიაშ ეკიდუა მილანიშ ჰერცოგ ფრანჩესკო I ფორცაქ ზოჯჷ, თი აბანს, სოდეთ სანტა-მარია-დელლა-გრაციეშ ჭიჭე კაპელა იდვალუაფუდუ.

მონასტერიშ ეგაფაქ 1469 წანას ითუ, მარა თიშ ეგაფას ხოლო დიდ ბორჯიქ იჸუ ოხვილურქ. მილანიშ ახალ ჰერცოგიქ, ლუდოვიკო სფორცაქ გინოჭყვიდჷ, ნამდა კომპლექსი სფორცეფიშ ფანიაშ აკარდამათ გინუშქუმალჷდჷკო დო 1490 წანას, კიდანჯალაშ თებაშ უკული, თიში გინოკეთება ქჷდიჭყჷ. 1497 წანას, ეკლესიას მუში ჩილი, ბეატრისი დონთხორეს.

მაჟირა მოსოფელიშ ლჷმაშ ბორჯის, 1943 წანაშ 15 მარაშინათუთას, ეკლესია დო მონასტერი ბრიტანულ დო ამერიკულ ავიაციაქ დობომბუ. აკოციუ კომპლექსიშ უდიდაშ ნორთიქ, მარა კანკალე გინოსქილადირ კიდალას შქას თი კიდალა ხოლო რდჷ, ნამუსჷთ და ვინჩიშ ფულირი სერობა რე გჷმოსახილი. ფრესკაშ გინოსქილიდაფაშ ღანკით, კიდალა ბომბუაშახ ქვიშაშ ტომარეეფით დოფორეს.

გალერეა[რედაქტირაფა | წყუშ რედაქტირაფა]

ქოძირით თაშნეშე[რედაქტირაფა | წყუშ რედაქტირაფა]

რესურსეფი ინტერნეტის[რედაქტირაფა | წყუშ რედაქტირაფა]