საქორთუოშ პრემიერ-მინისტრი
საქორთუოშ პრემიერ-მინისტრი — საქორთუოშ თარობაშ მოდუდე, საქორთუოშ ემაჸონაფალი ხეშუულობაშ უმაღალაში პოსტიშ პიჯი.
ისტორია [რედაქტირაფა]
პოსტიქ მაართათ დიდგინჷ 1918 წანას საქორთუოშ დემოკრატიული რესპუბლიკაშ გჷმოცხადებაწკჷმა ართო. ჯოხოდჷ თარობაშ დუდმახვენჯი. თე პოსტის მოღალენდეს ნოე რამიშვილი და ნოე ჟორდანია. პოსტიქ გეუქვჷ სხუნუეფიშ რსხუშ აკოდგინალუაშა საქორთუოშ მიშულაშ გეშა. პრემიერ-მინისტრიშ პოსტი კინ ეკანწყიის 1991 წანაშ მარაშინათუთას დო ქიმინჯენდჷ 1992 წანაშ ფურთუთაშა, ოურდუმე სხუნუშით ნძალაალობაშ ხეშა ეჭოფუაშახ.
1995 წანას ეჭოფილი საქორთუოშ კონსტიტუციათ საქორთუოქ გინირთჷ საპრეზიდენტო რესპუბლიკათ დო გეუქვუ პრემიერ-მინისტრიშ პოსტიქ. ახალმუშაღალირი სახენწჷფო მინისტრიშ პოსტი ვართ ფორმათ დო ვართ დინორეთ (შინაარსით) ვა რდჷ პრემიერ-მინისტრიშ პოსტიშ მანგი.
2004 წანაშ 6 ფურთუთაშ ოკონსტიტუციე თირაფეფით საქორთუოშა მუშელჷ თარობაშ ინსტიტუტიქ დო ხეახალშო გორჩქინდჷ თარობაშ დუდმახვენჯიშ პოსტიქ დო თის კინე პრემიერ-მინისტრიქ ქიგიადუ.
მოქიმინჯე კანონდვალათ, პრემიერ-მინისტრიშ კანდიდატურას პარლამენტის წჷმურინუანს პრეზიდენტი, პარლამეტი ნდებას უცხადენს თის. პრემიერ-მინისტრი დარინუანს თარობაშ შხვა მაკათურეფს (მინისტრეფს) პრეზიდენტიწკჷმა აკოალაებათ.
საქორთუოშ პრემიერ-მინისტრეფი [რედაქტირაფა]
| მუშობაშ წანეფი | პოსტიშ პიჯი | ფუნქცია |
| 1918 | ნოე რამიშვილი | თარობაშ დუდმახვენჯი |
| 1918 – 1921 | ნოე ჟორდანია | თარობაშ დუდმახვენჯი |
| 1990 – 1991 | თენგიზ სიგუა | პრემიერ-მინისტრი |
| 1991 | მურმან ომანიძე | მოვალეობაშ მარსულებერი |
| 1991 – 1992 | ბესარიონ გუგუშვილი | პრემიერ-მინისტრი |
| 2004 – 2005 | ზურაბ ჟვანია | პრემიერ-მინისტრი |
| 2005 - 2007 | ზურაბ ნოღაიდელი | პრემიერ-მინისტრი |
| 2007 - 2008 | ლადო გურგენიძე | პრემიერ-მინისტრი |
| 2008 - 01/09 | გრიგოლ მგალობლიშვილი | პრემიერ-მინისტრი |
| 02/09 - 2012 | ნიკა გილაური | პრემიერ-მინისტრი |
| 30 მანგი 2012 — ამდღარშახ | ვანო მერაბიშვილი | პრემიერ-მინისტრი |
