სენაკი
| ნოღა | |
|---|---|
| სენაკი | |
|
|
| ქიანა | საქორთუო |
| აკანი | სამარგალო-ჟიმოლენი შონეშ აკანი |
| მუნიციპალიტეტი | სენაკიშ მუნიციპალიტეტი |
| კოორდ. | 42°16′08″ ოორ. გ. 42°04′45″ ელ. გ. |
| ორდოიანი ჯოხოეფი | მიხა ცხაკაია, ცხაკაია |
| მახორობა | 28.082 კოჩი (2002) |
| ნაციონალური აკოდგინალუა |
ქორთუეფი,რუსეფი, ასირიალეფი |
| ბორჯიშ ორტყაფუ | UTC+3:30 |
| ტელ. კოდი | +995 413[1] |
| ოფოსტე ინდექსი | 4100[2] |
| ოფიციალური საიტი | რცხუ |
სენაკი — ნოღა ბჟადალ საქორთუოს, სენაკიშ მუნიციპალიტეტიშ ადმინისტრაციული ცენტრი. 1933 წანაშე 1976 წანაშა თე ნოღას ჯოხოდჷ მიხა ცხაკაია დო 1976-1989 წანეფს - ცხაკაია. სენაკი იდვალუაფუ კოლხეთიშ რზენს, წყარმალუ ტეხირიშ პიჯის, ზუღაშ დონეშე 28 მეტრაშ სიმაღალას. სენაკის ნოღაშ სტატუს მეჩეს 1966 წანას. 2002 წანაშ მუნაჩემეფით სენაკიშ მახორობა 28 600 კოჩი რე. სენაკის რე ნოხეფიშ დო ჩაიშ ფაბრიკეფი, დიარაფაშ რეწუაშ საწარმოეფი, შხვადოშხვა პროფილიშ სკოლეფი, ბიბლიოთეკეფი, კულტურაშ ჸუდე, თეატრი, მ. ცხაკაიაშ ჸუდე-მუზეუმი. სენაკიშ ხოლოს იდვალუაფუ ბალნეოლოგიური კურორტი მენჯი. სენაკი რე სენაკიშ დო ჩხოროწყუშ ეპარქიაშ რეზიდენცია.
დინორე |
[რედაქტირაფა] სენაკიშ რელიეფი
სენაკიშ ტერიტორია რელიეფიშ მუშებურობაშ მეჯინელო ირთუ ოორუე დო ოჩხანეშ ნორთეფო. ბიჟღეთი ნორთი უკებუ ლაკადეფს დო გვალეფს. სენაკიშ ოჩხანეშ ნორთი რე კოლხეთიშ რზენიშ უშანულამაში აბანი, ნამუთ დოცხვაბულერი რე წყარმალუ ცჷიშ დო ტეხირიშ მაკათურუ რალეფით. რზვენიშ მაქსიმალურუ სიმაღალა 30 მეტრას მითმიონჭირინდუანს. თინა ოორუეშ ჸურე იმაღალებუ დო მეთმეჭყორდუ ეკის, შხეფიშ დო ნოქალაქუშ გალეფიშ ოჩხანეშ ჸურენ კონჩხის. რელიეფიშ ანდობურობა დო ჰაერიშ სილამე ხეს უნწყჷნს წყარმალუეფიშ რშვილიშ გფშხირაფას. წყარმალუ ცჷი იჭყაფუ ეკიშ გვალაშ ბიჟღეთ ნორთიშე. დაჭყაფუს წყარმალიშ კალაპოტი ონჭირე რე დო ღარკულერი წყარი ექი-აქ გვალაშე გიშულას მინჩა ოხარჩალაიას ქიმინჷნს. წყარმალუ ტეხირი ეგრისიშ ქჷნდჷრიშე იდვანს დაჭყაფუს. წყარალაშ გალე, ეს წყარმოლაფა ხოლო ახასიათენს. ცჷის დო ტეხურას რდჷნა ჭიჭე წყარმალეფი დო ღალეფი: ფიცუ, ნახური, ჩხარი, ფაქვა, მეჯი, უჩარელუ, ეკუსკირი.
[რედაქტირაფა] სენაკიშ გეოგრაფიული კოორდინატეფი
400 011. სენაკის უღუ წაგირძარებულუ ფორმა. ოჩხანეშ ბჟადალუშე ბიჟღეთიშ ბჟადალუშა. სენაკიშ უძგოპაშ ბჟაეიოლი ნორთი ომძღჷ აბაშაშ მუნიციპალიტეტიშ ოფუტე წყემს, ბჟადალ ნორთი – ხობიშ მუნიციპალიტეტიშ წყარმალუ ხობწყარს, უძგოპაშ ოორუეშ ნორთი ჩხოროწყუშ მუნიციპალიტეტშ ოფუტე ახუთიწკჷმა, ობჟათეშ ნორთი – ლანჩხუთიშ დო ხობიშ მუნიციპალიტეტეფიშ ხურგის.
[რედაქტირაფა] სენაკიშ ორთაშობური რესურსეფი
სენაკი ორთაშული რესურსეფიშ სიდიდარათ დო მოხუჯური გეოგრაფიული აბანდვალათ გიშეგორუ. გჷშაკერძაფილი ინტერესის იჭანუანს კასტრული ფოთქვა-დარბაზით (მღვიმე-დარბაზი) უნაგირაშ გვალაშ თუდო, წურწუფამ წყარიშ რესურსი ნოქალაქუშ თემს, დო თაშ ხოლო ბალნეოლოგიური კურორტი. სენაკიშ მუნიციპალიტეტი დიდარი რე დიხაშ თუდონი წყარეფით, ნამუთუშენ გიშართალი რე მინერალური დო კასტრული წყურგილეფით. თერმულ მინერალურ წყურგილეს აკმოფხვადუთ სახარბედიოს, ლეძაძამეს, ზანას, ნოქალაქუს დო შხვადო.
[რედაქტირაფა] სენაკიშ კულტურული მონძეობაშ ქილინჯეფი
სენაკი გოჭყაფუშე კულტურაშ გიშართილი ცენტრი რდჷ. ახალ სენაკის გოჭყაფაშე დიჭყჷ თეატრალურ რინაქ.
1884 წანას ჯვეშ სენაკის გინწყჷ პატჷნ-ჟინოსქუალეფიშ ოგურაფალ აკანქ. თაქ გურაფულენდეს: სიმონ ჯანაშია, არნოლდ ჩიქობავა, პეტრე ქავთარაძე, ვარლამ თოფურია, კონსტანტინე გამსახურდია. სენაკის ირდეს თიშნერ გიშაგორილ კათაქ, მუნერეფით რდეს: აკაკი ხორავა, შალვა დადიანი, ვალერიან გუნია, თეოფანე დავითაია, ჟიული შარტავა დო შხვეფი. 1959 წანაშე ნოღას ასქვამენს აკაკი ხორავაშ ჯოხოშ დრამატული თეატრიშ ნოდგჷმი, ნამუთ კულტურული მონძეობაშ ქილინჯო იკოროცხუ.
სენაკიწკჷმა ხოლოს რე ჯვეში ეგრისიშ ნანანოღა, ნამუსუთ მარგალურო ჯიხაქვინჯი ჯოხო, ქორთულო უძახჷნა ნოქალაქევს დო ბერძნულო ხოლო არქეოპოლისის (ქოძ. სურათი ხასჷლას)
