სესოსტრისი
სესოსტრისი ჰეროდოტეში ნარაგადჷთჷ რდჷ ჯვეში ეგვიპტეში ლეგენდარული ფარაონი, ნამუქით მანწყუუ ოლიმური ექსპედიციეფი ევროპაში შხვადოშხვა მუხურეფს.
[რედაქტირაფა] ჰეროდოტეში ნარაგადჷ
ჰეროდოტე იჩიებუდუ ეგვიპტარი პაპაში ნარაგადუს ფარაონ სოსესტრისიში ანბეს, ნამუქით ართიშახ მიდეჸუნუ მუში ურდუმი ოორუე-ბჟაიოლიურე დო სირია დო თურქეთიშ მიკულათ ქიმერთჷ კოლხეთშა, უკული ბჟადიოლიურე ამნღანერი ობჟარე რუსეთიშა, უკული მიდართჷ ობჟარეურე რუმინიაშა, სოიშახ ვექიმერთჷ ამდღანერი ბულგარია დო ბჟაიოლი ელადაშა. თეში უკული სესოსტრისიქ დირთჷ ჸუჩა კინი თე შარათ დო, მუჭოთ ჰეროდოტე რაგადანს, ქჷდიტუ მუში ურდუმიში მაკათურეფი კოლხეთიში მალწყარი ფაზისწკჷმა. თეში მოხი ჰეროდოტე ჭარუნს კოლხეფიში მუნეფიში დო ეგვიპტარეფიში ნარაგადუს, ნამდა კოლხეფი ეგვიპტარეფი რენანია, მარა გეთმეუძინანს ნამდა კოლხეფს უჯგუშო შუნანია ეგვიპტარეფი, ვინდარო [პიჯიშო]. ჰეროდოტე გეთმეუძინანს, ნამდა მა თეს თიშახ მეფხვადია, სოიშახ შხვეფი მიწინდესია, მუშენდა თელი რინა ართნერი უღუნანია, ართნერო ამუშენანია [სელს], მოგენანია ართიანს, ჟირხოლო კათას კუჭუჭი თუმა უღუნანია დო უჩეფი რენანია, თეში გალე, ხვალე კოლხეფი დო ეგვიპტარეფი ირთუნანია [წჷმოჭკირუას] მუშით. ჰეროდოტეში, დიოდორე სიცილიარიში დო სტრაბონიში ნარაგადუთ, სესოსტრისიქ [დაიპყრო] თელ ქიანა, სკვითია დო ეთიოპია ხოლო, გორთჷ ეგვიპტე ადმინისტრაციული რაიონებო ორ ნომებო, ღდინჷ კალონეფი დო გემშეღჷ კასტური სისტემა ეგვიპტეშა დო ქჷდარსხუ სერაპიში კულტი.
[რედაქტირაფა] ამდღანერი გინაჯინუ
ამდღანერი მენცარეფს მიოჩქუნა, ნამდა სესოსტრისის მიკმაჭარანა სეტი I დო რამზეს II ნაქიმინას, ნამუთ რდეს მავითოჩხორა დინასტიაში მაფეფი, მარა ძვეში ეგვიპტარი ისტორიკოსიში მანეთოშ ნარაგადუთ, ფარაონი ნამუსით ჯოხოდუ სესოსტრისი მაფენდჷ მუჭოთ სენუსტრეტ II დო რდჷ მავითოჟირა დინასტიაში ფარაონი. მუდგა ვარდასისნი, ამდღა მერჩქინელი რე, რანმა ნამთინე ძვეშ ეგვიპტარ ფარაონს ვაულინჷ ევფრატიში ვარდა ჭიჭე აზიაში იშო დო ვართ ევროპაშა მეურთუმუ ნამთინეს. ეგვიპტეში ისტორიას თე მერჩქინელი რე სუმი ფარაონი ნამუსით ჯოხოდჷ სენუსტრეტი, თენეფშე მასმაქ მანწყუ ოლიმარი ექსპედიციეფი ქანაანშა, ეთიოპიაშა დო სემნაშა, თენა ინოჭარილ რე თიში გომორძგუაში სტელას დო შილებე, ნამდა ჰეროდოტეში სესოსტრის რდას თე ფარაონიში ნაპტანი გომბარილი პორტრეტი.
