ტეუელჩე
ვიკიპედია ხასჷლაშე
ტეუელჩეშ კათა (მაპუდუნგუნიშ ნინაშა „შხაფილ კათა“) – ოართე ჯოხო ჭიჭე ტომეფიშ, ნამუეფუთ ოხორანა პატაგონიას, პამპაშ რეგიონიშ ობჟათე ნორთის. თინეფც თაშნეშე პატაგონეფცჷთ უძახუნა.
ვარაუდენა, ნამდა ობჟათე ამერიკაშ ევროპარი ორდოულ მარკვიაფალეფიშ მუნათხობელუეფი პატაგონეფშე, თაქ მახორუ გიგანტური ადამიერეფიშ გეშა, წორეთ ტეუელჩეშ კათას გურიწყულენდ, ანდახ თინეფი მართალო დასაბაღო მაღალეფი რენა (ოშქარი სიმაღალე 180 სმ). 2001 წანაშ ეჭარუაშ მუნაჩემეფით, თაქ ოხორანდ 4,300 ტეუელჩე.
