ტიერნინი
ვიკიპედია ხასჷლაშე
ტიერნინი ( ისლანდიურო Tjörnin – აუზი) — ჭიჭე ტობა ცენტრალური რეიკიავიკის, ისლანდიაშ ნანანოღას. თიშ უმკუჯინუო, ნამდა ტიერნინი ვემშმურც ისლანდიაშ უდიდაში ტობეფიშ ერკებულშან, თინა რე ართ-ართი არძოშე ჯგირო ჩინაფილი ტობა ედომუშამი ისლანდიას.
რეიკიავიკიშ სუმარეფიშ დიდი ნორთის უხვადუ გულა ტობაშ ოძგაშეს. თინა იდვალუაფჷ ნოღაშ ცენტრის რეიკიავიკიშ დარბაზიშ დო მუსხირენი მუზეუმიშ უკული. ტობწკჷმა ხოლოს იდვალუაფჷ თაშნეშე ისლანდიაშ უნივერსიტეტი.
ტიერნინი რე ოჸოროფული აბანი ბაღანეფშო, რახან თაქ შილებე კვატეფიშ, თოლიეფიშ, ოლორეფიშ, ღორღონჯეფიშ ძირაფა დო თინეფიშ გჷმორძღაფა.
ზოთონჯიშ აშაბანც, ტობა ძაკას იჸინუ, მორო თის წყარიშ მაფურინჯეფეშო, ჩხე გეოთერმული წყარეფიშ გაბრათ ონდღულუანა. 
