ტურა

ვიკიპედია ხასჷლაშე
გეგნორთი: ნავიგაცია, გორუა
ტურა
Schabrackenschakal cropped.jpg
ტურა (Canis aureus)
მენცარული კლასიფიკაცია
ომაფე: ჩხოლარეფი
ტიპი: ქორდამეფი
კლასი: ძუძუშმაწუალეფი
რანწკი: მახვამილაფარეფი
ფანია: ჯოღორიშობურეფი
გვარი: ჯოღორი
ბუნა: ტურა
ლათინური ჯოხო
Canis aureus
თხილუაშ სტატუსი

ტურა (Canis aureus) — მახვამილაფარი ძუძუმშმაწუალი ჩხოლარი ჯოღორიშობურეფიშ ფანიაშე. ხე აფრიკას დო აზიას. თიში ტანიშ სიგჷრძა რე 71-82 სმ, წონა — 7-13 კგ. ზოთონჯის ჭაშფერი მიკმიადვალუ, ზარხულც წინდაშფერ-ყვინთელიე დო მოჭითე-მოუჩე ფერი გინმალე, კუდელი მოჭითე-მონჭირელი ფერიშიე, ბოლოს იუჩარებუ. გოფაჩილიე ობჟათე-ბჟაეიოლ ევროპას, ოორუე აფრიკას, ობჟათე აზიას დო კოკი შრი-ლანკას. საქორთუოს შეთმეფხვადჷნა ირდიხას ზუღაშ დონეშე 1000 მ სიმაღალეშა. ხე ჭალეშ დო გვალაშ ახლო ტყალეფს, ქვერჩხონეფს დო წყარონტირუეფიშ ახლოს. ჭკომუნს ჩხოლარულ დო ჩანარულ ოჭკომალს, უმენტაშო ჭუკიშობური მაღირღონალეფით, კურდღელეფით, ფურინჯეფით, ხოხუეფით, ამფიბიეფით, ჩხომეფით, ჭანდეფით დო შხვა. ჭკომუნს ნძორს, მუკნაღელს დო შხვა. მაკეობა 63 დღა დო სერს იგინძორებუ. ხანს 4-6 (კანკალეშა 8-შახ) დაღარ დო თოლწკურილ ლაკვის, ნამუთ სქესობურო ირგუნა თელარაშ მა-2 წანას. ტურა აქტიურიე უმენტაშო სერით. ტურაშ ტყები დაბალი ხარისხიშიე დო თიში ორეწუე შანობა ჭიჭე რე. ართგვარ ზარალს ორინუანს ომოჯინე მეურნეობას დო მეფურინჯეობას, კანკალეშა ცოფიშ დო უჩა ჭირიშ გამომწვევეფიშ გინმაღალარიე.

ლიტერატურა[რედაქტირაფა]

Commons-logo.svg
ვიკიოწკარუეს? რე ხასჷლა თემაშენ: