ფილია

ფილია (ჯვეში ბერძნულო φιλíα) — ჯვეში ბერძნული ზიტყვა, ნამუთ არისტოტელეშ ნიკომაქეაშ ეთიკას ხშირას ითანგმუ, მუჭოთ „მაჸალობა“, ვარა „ჸოროფა“, მორო თე ტერმინი უმოსი ფართას გჷმირინუაფუ. მუჭოთ ჟერარ ჰუგი ეთმოშანუნცჷნ, არისტოტელეშ წიგნის მოჸონაფილი ფილიას უღუ გეჸვენჯი მენორსეფით:

„ახალმარდუ ჸოროფილეფი (1156b2), ირიათონი მაჸალეფი (1156b12), მეძობელი ნოღეფი (1157a26), პოლიტიკური ვარა საქვარამი კონტაქტი (1158a28), მასქერეფი დო სქუალეფი (1158b20), ალმაშარე დო ალმალჷმარი (1159b28), ომიშური რელიგიური ჯარალუაშ მაკათურეფი (1160a19), ვარა ომიშური ტომიშ (1161b14), შოშეშ მეწუღე დო ადამიერი მით თიშე ჸიდულენც (1163b35).“

ქოძირით თაშნეშე

• ჸოროფა
• ფობია