ქილორი
| ქილორი | |
|---|---|
 |
|
| ძაკი ქილორი (Phasianus colchicus) დადული დო მუმული | |
| მენცარული კლასიფიკაცია | |
| ომაფე: ნოტყეფი | |
| ლათინური ჯოხო | |
| Phasianus | |
| თხილუაშ სტატუსი | |
ქილორი (Phasianus), დიდტანამი (ასაგასაშ სიგჷნძა 85 სმ-შახ, მასა – 2 კგ-შახ) მაფურინჯეფიშ თური ქოთომიშობურეფიშ რანწკიშე. მუმული კვათირასიე ჩხაპურელი, ბურდღას ლითონიშნერი რწკინუა გინოჸუნც. დადული მოტუტაშფერო-ქვიშაშფერიე. იკათუანც 2 ბუნას: რწვანე ქილორი (Phasianus vesicolor), ნამუთ ხე იაპონიას დო ძაკი ქილორი (Phasianus colchicus), ნამუშ გოფაჩუაშ თანჯეფი იჭყაფუ კავკაციაშე, გჷშმურც ვოლგაშ დელტაშა, შქა დო ცენტრალური აზიაშ გულათ იგინძორებუ ობჟათე-ბჟაეიოლ ჩინეთშახ დო პრიმორიეშ ჸურეშახ. ქილორი უჯვეშაში ბორჯიშე რე ჩინებული საქორთუოს.
ლეგენდაშ მეჯინათ ქილორი არგონავტეფქ გჷშეჸუნეს კოლხეთიშე დო თეში უკული გიფაჩუ თინაქ ედომუშამი ევროპას. ქილორი ხე ტყას, ჭალეს, ტყაშ წყარმალუპიჯიშ ბართვონც. ოგვაჯეს დიხაშა გიკეთენც, პირელც დვანც 10-12 (20-შახ) მარქვალც, ნამუეფუშ ინკუბაცია იგინძორებუ 22-24 დღა-სერი. ეთმიჯუმუაფუ ჯინჯიერო ჩანარული ოჭკუმალეფით, უმოსი ვანაფერო (აფუნც) - ხოჭოეფით დო შხვა ფარფალეფით. რე სპორტული ჯინორუაშ ობიექტი. ჯინორუა რეგლამენტირაფილიე, ალობაჩამილიე ლიცენზიათ.
[რედაქტირაფა] ლიტერატურა
- ჟორდანია რ., ქორთული სხუნუეფიშ ენციკლოპედია, ტ. 11, ხს. 506, ქართი, 1987 წანა.
