ყაბარდალეფი

ყაბარდარეფი ოფოსტო ბარათის, XX ოშწანურაშ დაჭყაფუს

ყაბარდარეფი (დორხველი ჯოხოდვალა адыгэ ადიღე) —თიი, ნამუთ ოხორანს ჯინჯიერო ყაბარდო-ბალყარეთიშ რესპუბლიკაშ ოორუე დო ოორუე-ელახ ნორთის. ედომუშამი მუდანობა რუსეთიშ ფედერაციას 520 000 ადამიერი (2002).^[1] . რუსეთიშ გალე თაშნეშე ოხორანა ელახიშ კანკალე ქიანას. ყაბარდოული ნინა ორხველჷ კავკაციური ნინეფიშ აფხაზურ-ადიღურ ბუნას.

ყაბარდარეფი რენა მუსლიმანეფი. თინეფშკას XVIII ოშწანურაშახ გოფაჩილი რდჷ ქირსიანობა კინომუშური რწუმაშ ელემენტეფით. ყაბარდარეფს ეთნოგენეზი ომიშური უღუნა შხვა ადიღეეფწკუმა. თინეფიშ თიით ფორმირაფა მერცხილი რე ფეოდალურ ურთიართალაშ გოვითარაფაწკჷმა (XII-XIV ოშწანურეფს). 1557 წანას აკიშკვეს რუსეთიწკჷმა. ყაბარდარეფიშ ჯინჯიერი საქვარეფი რდუ: დიხასაქვარუა, მეორინჯალა, ხელობუა (ჯაშ კვათუა, მეანჯარალა, მეონანგერალა, მექეალა, მენაბდალა, ოქროჭკადალა).