შოვინიზმი
ვიკიპედია ხასჷლაშე
შოვინიზმი (ფრანგ. chauvinisme) — შხვა ერეფიშ გოჯოგინი, გინომეტაფილი ნაციონალიზმი, ნამუთ ქადაგენც ნაციონალური გჷშაკერძაფილაფას [1]. უმოსი ზოგადო, შოვინიზმი შილებე ეთმოშანუნდას მუდგაინი ბუნაში მერხველუაშ ძალიერი ღიაბის, გჷშაკერძაფილო თიმწკჷმა მუჟამცჷთ თენა გურიწყულენც შხვა ბუნეფიშ ჯოგიც (ერუანული, რასობური ვარა რელიგიური შანით გინორთელი ბუნეფიშ გოჯოგინც.).
[რედაქტირაფა] ეტიმოლოგია
ზიტყვაშ გოჭყაფა მიარსხუაფუ ნიკოლა შოვენც. გჷნოჩამათ თინა რდჷ ნაპოლეონიშ არმიაშ ჯარიშკოჩი, ნამუთ დუდგინოდვალირი ფრანგული პატრიოტიზმით გჷშმეგორუდჷ. შოვენიშ რინა დოკუმენტურო დოდასურაფილი ვა რე. თიქ გინირჷ ფრანგული კომედიაშLa Cocarde Tricolore (1831) გერგეზო, მუდგაშ გეშათ გორჩქინდჷ ტერმინქ - შოვინიზმი.
[რედაქტირაფა] ლიტერატურა
- ქორთული ნინაშ განმარტებითი ლერსიკონი
- უცხო ზიტყვეფიშ ლერსიკონი
[რედაქტირაფა] სქოლიო
- ↑ ქორთული სხუნუეფიშ ენციკლოპედია, ტომი 11, ხასჷლა 16, ქართი, 1987 წანა
