ჩარლზ დიკენსი
ჩარლზ ჯონ ჰუფემ დიკენსი (ინგლ. Charles John Huffam Dickens IPA [ˈtʃɑrlz ˈʤɒn ˈdɪkɪnz]; დ. 1812 წანაშ 7 ფურთუთა – ღ. 1870 წანაშ 9 მანგი), ფსევდონიმი - "ბოზ" (ინგლ. Boz) — ვიქტორიანული ერაშ დო არძო ბორჯიშ ართ – ართი არძაშე უმოსი პოპულარული ინგლისელი ჭარუ̂ ნამუშ ნოველეფიშ დო კუნტა თხობელუეფიშ ბეშტუა დღას ვემეჭყვიდელე.[1][2]
ჩარლზ დიკენსიშ ქიმერონი ახასქარებული ხიმფორიე ინგლისიშ კრიტიკული რეალიზმიშ ისტორიას. თიშ ჯოხოწკუმა რე მერცხილი თელი ფარანი ინგლისური ლიტერატურაშ გოვითარაფას. ჩარლზ დიკენსიქ დებადუ ოზუღე უჭყაფაშ მოინალეშ ფანიას. თიქ ბაღანობაშე იწისუ რინაშ აჭიროთება. ფანია ირო უღვენჯობას რდჷ. ვალეფიშ უგნუგაფუობაშენ მუმალი ჭარუშ მუმა მევალეეფიშ ჯიხას ქიმთახუნეს, სოვრეშეთ დუდი დერსხუ უნელო. დიკენსი 10 წანაშე ხანდენდ ვაქსიშ ფაბრიკას. ბაღანობას მეღებული განათლება ვამკმიშუ მუდგაზმათრენ სისტემატური ხასიათის. თინა ხანდენდ სასამართლოშ დო პარლამენტიშ რეპორტიორო. ნინალუაქ ხე შეუნწყუ თის რინაშული გამოცდილებაშ გადინდარებას. ბაღანობაშ დო ბოშალაშ მონკა წანეფი თიქ უკულნეშის ეჭარუ მუშ რომანეფს – "დავით კოპერფილდი" დო "ჩქიჩქჷ დოროთი".
[რედაქტირაფა] სქოლიო
- ↑ "მუ ორე დიკენსი?", სიმონ სვიფტიშ მიერ. The Guardian, ჯუმაშხა, 18 პირელი 2007. "დიკენსიშ წიგნეფიშ დობეშტუა დღას ვემეჭყვიდელე."
- ↑ "Victorian squalor and hi-tech gadgetry: Dickens World to open in England". Bloomberg News. 23 May 2007. "He created some of English literature's most memorable characters and his work, which has never gone out of print, continues to bring the poverty of 19th-century London to life for future generations."
[რედაქტირაფა] ლიტერატურა
- Ackroyd, Peter. Dickens, 2002, Vintage, ISBN 0099437090
[რედაქტირაფა] რესურსეფი ინტერნეტის
- დავით კოპერფილდი (ქორთ.)
- ჩარლზ დიკენსიშ ჟურნალი, დიკენსიშ რინაშ ეტაპეფი (ინგლ.)
- დავით პერდუშ ჩარლზ დიკენსიშ ხასჷლა (ინგლ.)
